PSALME ya 2

₁Ba reng ba ditšhaba ba tsoša marole? Dilete di reng di rera tša lefela?

₂Magoši a lefase a a tsoga, le babuši ba lakana go lwa le Morena le motlotšwa wa gagwe.

₃Ba re: A re kgaoleng ditlemo tše tša bona, re lahle dinti tše tša bona!

₄Modulamagodimo o a ba tsega; yena Mong a bohle o a ba nyatša.

₅O tlo ba a bua nabo a befetšwe, o tlo ba tšhoša a galefile.

₆Nna ya ka kgoši ke e beile fa Tsione, fa thabeng e kgethwa ya ka.

₇Ke tlo bola taelo; Morena o itše: O Morwa wa ka; lehono ke go tswetše.

₈Nkgopele, ke go fe ditšhaba, e be lefa lago, le magomo a lefase e be a gago.

₉O tlo ba roba ka molamo wa tshipi; o tlo ba pšhatla wa pitša tša letsopa.

₁₀Bjalo ge, lena magoši, hlalefang! Babušamafase, eletšang.

₁₁Le hlankele Morena le boifa, le hlalale le roromela.

₁₂Atlang Morwa, a se tlo galefa, la loba tseleng. Gobane bogale bja gagwe bo tloga bo tuka. Ba lehlogonolo ke ba ba mmotilego.