Tlaišego, tsogo le lerato la Bakriste – letšatši la 11

Mohlomongwe gape o tla swanela ke go araba dipotšišo tše go tšwa go Baahlodi 18:3 nako le nako: Ke mang yo a go tlišitšego mo? O dira eng fa? Ke ka lebaka la eng o le mo?

Ga o fao o lego gona ka ntle le lebaka. Modimo o go tlišitše mo. Potšišo ke gore, naa nna le wena re lemoga seo le go tseba se Morena a nyakago go se fihlelela ka maphelo a rena?

Morena o na le pitšo e swanago go badumedi ka moka. Re swanetše go tumiša le go hlankela Modimo, re dira ka mo re ka kgonago, re hlankele le go nea bohlatse go baratiwa ba rena, bjalobjalo.

Le ge go le bjalo, Modimo o na le pitšo e kgethegilego go modumedi yo mongwe le yo mongwe, yeo e lego ya gagwe.

O tseba bjang gore pitšo ya gago ke eng? O hloka go rapela Modimo o tiišitše! Ge re lebelela mehlala ka Bibeleng, re a bona gore go na le ditlhahlo ka fao re ka tsebago gore pitšo ya rena e kgethegilego ke eng:

1. 1.Pitšo ya motho ya semoya gantši ke ya batho bangwe. Ga go na moo ka Bibeleng pitšo ya motho e lego ya gagwe goba ya dinyakwa tša gagwe.
2. 2.Motho yo mongwe le yo mongwe o na le pitšo ya go ikgetha ye e sa swanego le ya ba bangwe.
3. 3.Pitšo ya gago e a fetoga. E ka fetoga ge maemo a gago a fetoga.
4. 4.Wena, gantši, o utolla pitšo ya gago ge o itemogela maemo a thata. Ke ge eka Modimo o bolela ka go hlaboša lentšu go rena ge re tlaiš Baroma 5 e re thuša ka se.
5. 5.Pitšo ya gago e bonala gabotse ge o phela kgauswi kudu le Modimo!
6. 6.O kwa lentšu la Modimo bokaone ge o na le tsela ya go phela ya thapelo gomme o fetša nako e ntši o bala Bibele.

Lehono, tsoma pitšo ya gago pele ga Modimo: Ke mang a go tlišitšego mo? O dira eng fa? Ke ka lebaka la eng o le mo?