Moya wo Mokgethwa – Letšatši la 3

Lehono šedi ya rena e gogelwa go maatla a Moya wo Mokgethwa wo o šomago ka maatla bophelong bja motho o bohlokwa ka go Testamente ye Tala mengwaga ye dikete pele Jesu a fihla, a hlatsetša bogolo bja Modimo.

“Gabotsebotse, Mofilista yo wa go se bolle ke yena mang yo a ka nyatšago madira a Modimo yo a phelago?” (1 Samuele 17:26). A e bile mantšu a modiši yo monnyane yo a lemogilego thogako ye e bego e lebešitšwe go Modimo ke Goliate, nkgwete ya madira a baheitene, gomme a makatšwa ke gore Baisraele ba be ba tšhaba go lwa le yena.

Le ge a be a le yo monnyane, Dafida o be a rata Modimo gomme a šetše a ithutile go tshepha Yena ka ge a itemogetše tšhireletšo ya Gagwe ge a be a diša mehlape ya tatagwe. Tiro ya gagwe ya pele ye bogale e be e le go ithaopa go lwa le senatla Goliate. A netefaletša Kgoši Saulo: “Nna, mohlanka wa gago, ke diša dihuswane tša tate. Nako efe le efe ge tau goba bere e swere kwanyana goba putšane, ke e šala morago, ka lwa nayo, ka phološa seruiwa seo ganong la yona. Gomme ge tau goba bere yeo e ntlhasela ke e swara ka megolo, ka e betha ka e bolaya. Ke bolaile ditau le dibere, gomme Mofilista yo wa go se bolle, yo a nyaditšego madira a Modimo yo a phelago, le yena ke tla mo dira sona seo. Morena yo a mphološitšego ditaung le dibereng, o tla mphološa le go Mofilista yo” (1 Samuele 17:34-37).

A ke mantšu a go kgahliša a tumelo! A matlafaditšwe ke Moya, Dafida a ikemišetša ntwa ka go kgetha maswika go tšwa nokeng; gomme a ya ntweng kgahlanong le Goliate a itlhamile fela ka molamo, seragamabje le maswikana a mahlano. Dafida a mo fetola a re: “O tla go nna ka tšhoša le lerumo le letsolo, eupša nna ke tla go wena ka leina la Morena Ramaatlaohle, Modimo wa Baisraele, yo o mo nyaditšego … ‘mme yo mongwe le yo mongwe fa o tla bona gore Morena ga a iše felo ka ditšhoša le marumo go phološa setšhaba sa gagwe. Ke mofenyi ntweng, gomme o tla le gafela diatleng tša rena’ ” (1 Samuele 17:45,47). A tumelo le bogale tše Dafida a di laeditšego! A lemoga gore Bafilista ba be ba itlhamile gabotse ka ntle, eupša ka gare ba be ba na le medingwana, gomme bogale bja maaka, go ka itshephela go bjona: mola boitshepo bja gagwe bo be bo le go Modimo fela wa kgonthe. Se re se bonago mo ke Modimo gape a šoma ka maatla a Moya wa Gagwe bophelong bja motho wa go tlwaelega wa tumelo ka go fetoša moya wa gagwe, gomme a šoma ka dipharologantšho tša gagwe tše filwego ke Modimo ka tsela e maatla.

Go na le dilo tše ntši tše bonagalago boemong bja kgopolo le boitshwarong bja Dafida: kgomego ya gagwe ye bogale go tlhompho ye e fiwago, tshepo ya gagwe go bokgoni bja Modimo go mo phološa, le sebete sa gagwe le boithaopo bja gagwe bja go ka tšea kgato ya tumelo go hlompha Modimo. Re kgona go lemoga Moya wo Mokgethwa mošomong ka gare go yena gomme o matlafatšwa ke Modimo go hlatsetša bogolo bja Gagwe. Ge motho a tšea kgato, sephetho e ba se sebotse gape se maatla ka gobane se hlohleletša le go thabiša ba bantši ge motho a inyenyefatša gomme Modimo a tumišwa. Le rena re ka tšea kgato le go dumelela Moya wo Mokgethwa go re fetoša.