Moya wo Mokgethwa – Letšatši la 14

E ka ba ka dinako tše dingwe o belaela ka go lebala se sengwe? Batho ka nako ye nngwe ba na le go ipotšiša ka fao Bibele e ngwetšwego ka gona le ka fao tshedimošo ka moka e ka bago e kgobokeditšwe mmogo ka potego mengwageng e mentši ye makgolo. Temaneng ya lehono re na le tshedimošo e bohlokwa go arabeng se, yeo e laetšago karolo e bohlokwa ya mošomo wa Moya wo Mokgethwa. Jesu o netefaletša barutiwa ba Gagwe gore Moya wo Mokgethwa o tlo ba ruta le go ba gopotša se sengwe le se sengwe sa dithutišo tša Gagwe.

Go gopola ke karolo e bohlokwa ya bophelo ye e amago boikwelo bja rena bja go phela gabotse. Go gopola dinako tša go thabiša go a re thabiša le go re fa mafolofolo dinakong tše boima, eupša dinako tše bohloko di a gateletša le go tlogela ditlamorago tša nako ye telele. Go swanetše go be le tekatekano magareng ga go ba le kelelo e lekanego go ka phela gabotse letšatši le letšatši, eupša e se kelelo e ntši kudu e e kago baka dipelaelo tša yona. Palo ya dilo tše re ka di gopolago letšatši le letšatši e ka ba e kgolo, yeo ka dinako tše dingwe e dirago gore re lebale dilo tše bohlokwa, e oketša kgateletšego. Re leka ka dinako ka moka go tšwela pele.

Barutiwa ba bile le bothata bjo bo swanago. Ba be ka dinako ka moka ba sa kgone go kwešiša seo Jesu a se dirago goba rutago ge a be a na le bona; ka mehla ba sa kwešiše seo a bego a se bolela. Lebakeng le lengwe, mathomong a Boruti bja Gagwe, morago ga ge Jesu a phekgotše ditafola tša baananyi ba ditšhelete le go raka batho ka moka ka tempeleng, Bajuda ba nyakile gore Jesu a dire mohlolo go hlatsetša Maatla a Gagwe go ka dira selo se bjalo: “Kgerešang Tempele ye, gomme ka matšatši a mararo ke tla e tsoša,” e bile karabo ya Gagwe (Johanese 2:19).

Bajuda ba mo kwera ka ge ba be ba nagana gore O bolela ka temepele ya moago ye e agilwego lebakeng la mengwaga ye 46; barutiwa le bona go molaleng gore ga se ba kwešiša. Johanese 2:22 e utolla se: “E rile ge a šetše a tsogile bahung barutiwa ba gagwe ba elelwa gore taba ye o be a kile a e bolela, gomme ba dumela Mangwalo a Makgethwa le se Jesu a ilego a se bolela.”

Go tsoga ga Jesu bahung go phethagaditše ka mo go feletšego seprofeto se, go hlatsetša polelo ya Gagwe ya go ba Modimo, ye e lego bohlokwa go tumelo ya rena. Re kwešiša gore go be go le bohlokwa bjang go Moya wo Mokgethwa go ba gopotša mantšu a Jesu?

O dira ka mo go swanago go rena. Ge re kopana le bothata goba teko, O re gopotša mantšu a Jesu ao a re ahlolago ka seo se lokilego le go re hlahla go ya nneteng: “Gomme ge a tlile o tla kgodiša batho ba lefase gore tše ba di naganago mabapi le sebe, le mabapi le toka, le mabapi le kahlolo ga se tšona” (Johanese 16:8). Ka boitemogolo bjo bongwe le bjo bongwe re gola go ba Bakriste ba ba godilego semoyeng, re hlahla ke nnete ye Moya wo Mokgethwa o e hebetšago.