Seswantšho se segolo – Letšatši la 4

Ge ke be ke sa le ngwana, ke be ke kgahla, bjalo ka ba bangwe ba bantši, ke kanegelo ya Moruti wa go tuma Solly Ozrovech. Bjalo ka ngwana, o feleleditše a le ka legaeng la ditšhiwana le le fošagetšego gomme bjalo ka Mojuda, mafelelong o bile moruti. Ke mohlala wa ka fao lerato la Jesu le bontšhitšwego, bjalo ka ge Mateu 19:14 e hlaloša.

Ge ke etetše Uganda, Justine Zikusooka go tšwa go Mokgatlo wa Bibele wa Uganda, o ntšere go yo etela protšeke ditšhabeng tša dinagamagaeng. Mo, ba thuša bana ba ba nago le bolwetši bja HIV le metse ye e eteletšego pele ke bana. Ke itemogetše mohlala wo o fapanego ya se Mateu 19:14 e se hlalošago.

Ke itemogetše lerato la nnete. Lebakeng le lengwe, o laleditše Ruth wa mengwaga ye senyane go tlo dula le yena. Ka mehla ke re seswantšho ga se bolele maaka, se bolela nnete. Ke tšere seswantšho sa lerato la go ikgafa la mosadi yo a hlokomelago ngwana yo a nago le bokamoso bjo bo lekaneditšwego lefaseng.

Mabakeng ao ka bobedi, a Moruti Solly le Ruth, go bile batho ba go tlwaelega bao ba bontšhitšego lerato la Jesu. Batho ba ba go tlwaelega, ka ditiro tša bona, ba thušitše bana ba ba palelago ke go itšhireletša le go ba thekga maemong a bona a boima.

Letšatši le letšatši, re bala dikuranta ka bana bao ba tlaišwago. Moo ke mo bothata bja rena bo lego gona. Re swanetše go thuša. Tumelo ya rena e swanetše e be le mediro. Re hloka go thuša bana ba re kopanago le bona. Re hloka go ba Jesu go bona gomme re šome ka tsela yeo, gore mmušo wa gagwe o be karolo ya maphelo a rena. Se ga se ka bana fela bao ba sa thabago, eupša gape ka bao ba phelago le go šoma maemong a a bolokegilego.

Rena, bjalo ka Bakriste, re na le mošomo le boikarabelo. A re amogeleng tlhahlo ya go ka kgatha tema.