Seswantšho se segolo – Letšatši la 2

Ge ke sepela ke swere khamera, ke tšea diswantšho, ditiragalo tše ntši, batho le maemo a bitša, “Ntšee diswantšho. Ntšee diswantšho ka khamera ya gago. Dira gore ke be yo mmotse kudu, ke kgethegile!”

Bjalo ka batho, ga re bone dilo tše di kgethegilego kgauswi le rena. Lebaka le bonolo: re a kgetha. Go kgetha go akaretša go ba le dikgetho le ditatso tše di fapanego. Nagana ka bobotse bja go dikela ga letšatši. Batho ba bangwe ba rata ponagalo e botse ya tlhago gomme go yo mongwe, se ga se re selo. Motho yo mongwe o thabela tiragalo mmarakeng wa naga e šele goba toropong, mola yo mongwe a sa e thabele.

Seswantšho sa ngwana sa ka kgahla batswadi le maloko a lapa, mola batho ba bangwe ba ka se kgahle ke seswantšho seo.

Naa seo se fošagetše? Aowa! Ge e le gabotse, se tlaleletša go dikgopolo tše ntši tša go fapana le maitshwaro. Dintlha tše di raraganego tša dikgopolo le maitshwaro di anega kanegelo ya ka fao Modimo wa rena e lego yo mogolo ka gona. Ke yo mogolo kudu gore a ka amogela ditatso tše tša go fapana ka moka. Ga a kgathale gore dikgetho tša gago ke eng. O di šomiša ka go di tliša gore di dumelelane le seswantšho se segolo. Gomme, o tlatša seswantšho sa gagwe se segolo ka lerato, kgaugelo le mogau.

O hlola sebaka gore seswantšho se sennyane se re se ratago se kwešišege le gore se ka tsena go seswantšho se segolo, le go ba ka gare ga seswantšho se segolo ka moka.

Ge re tsena seswantšhong se segolo sa Modimo, re ka se dire selo le ge e le sefe se sengwe eupša go dumelelana le mopesalome gomme ra re: “Leina la gago ke le legolo bjang.”

Go swanetše go re thabiša, go tseba gore re ba kgethegilego, gore le ka go se tlwaelege ga rena ka moka, re sa le bohlokwa go Modimo. Ka mehla o tla ikgafa go re direla. Ka gona, go swanetše gore a amogele ditumišo ka moka le tlhompho ye nka mo neago yona.