Pesalome 8

₁Morena, Mong wa rena,

leina la gago ke le legolo bjang lefaseng lohle!

Tše o di hlomilego legodimong di taga bjang!

₂Bana le masea ba reta maatla a gago, ba hlokiša balwantšhi ba gago melomo,

manaba a gago le baitefeletši.

₃Ge ke lebelela leratadima,

mošomo wa diatla tša gago,

ngwedi le dinaledi tše o di beilego madulong,

₄ke re motho ke eng ge o bile o mo gopola,

motho wa lešidi ge o mmabalela?

₅Eupša o mo hlaeditše gannyane a se lekane le wena;

o mo godišitše ka letago le tlhompho.

₆O mmeile mmuši wa mediro yohle ya atla tša gago;

wa mo dira molaodi wa tšohle:

₇dihuswane le dikgomo tšohle,

ešita le diphoofolo tša naga,

₈le dinonyana tša legodimo,

le dihlapi tša lewatle,

le nyabanyaba ka moka ka mawatleng.

₉Morena, Mong wa rena,

leina la gago ke le legolo bjang lefaseng lohle!