Seswantšho se segolo – Letšatši la 15

Bibele, bjalo ka lentšu la Modimo, ke mogwera wa Mokriste yo mongwe le yo mongwe. Bibele ke sešupi, mohlahli le mofelegetši yo a hlahlago modumedi tseleng ya gagwe ya bokgethwa.

Nakong ya ketelo kua Angola, ke bile gona tirelong kua Hoje-Ya-Henda, motse wa ka ntle ga toropo kua Luanda. Ga ke a kwešiša kudu se go boletšwego ka sona, ka ge ke sa kwešiše leleme la Sepotokisi. Le ge go le bjalo, se ke se lemogilego e bile Bibele ye e hlagetšego kgauswi ga mosadi yo a bego a raloka moropa. Bibele ye e anegile kanegelo ya puku ye e bego e šomišwa kgafetšakgafetša. Go be go na le maswao kgauswi le ditemana tše dingwe, letlakala la ka ntle le be le se gona gomme matlakala a be a hudupane. Le ge go le bjalo, mosadi yo o be a eya le yona kerekeng ka boikgantšho kudu. Bibele ye e šomišitšwego e be e le bohlokwa go yena gomme khamera ya ka ya tšea seswantšho.

Danie Viviers o nngwaletše gomme a mpotša ka tema ye e kgathilego ke Bibele bophelong bja gagwe. “Ge o le mo go dikelago letšatši la bophelo bja gago gomme o phahla Bibele ya gago ye e thaletšwego, o bona phasele ya bophelo bja gago gomme ka nako yeo fela, o kwešiša tsela ye Morena a sepetšego le wena,” o ngwetše.

Mehleng ye, go na le dibopego tše fapafapanego tša Bibele – go tloga go Bibele ye e gatišitšwego go ya go Bibele sellathekeng sa gago gaešita le inthaneteng. Ga go na lebaka la go se be le Bibele. Le ge go le bjalo, go na le ba bantši ka nageng ya rena bao ba se nago le Bibele, ka gobane ba palelwa ke go e reka. E tura kudu.

Mokgatlo wa Bibele o beetše thoko milione wa diranta go aba Bibele mahala go barutwana ba ba diilago ba Kreiti ya 7. Se ke maiteko a go dira phapano maphelong a baswa.

Ke holofela gore Bibele e tla thuša baswa go ema ka maoto ge ba lebeletšanae le teko le dinakong tša bohlanogi. DiBibele tše gape di ka ba utollela, letšatši le lengwe, ka fao Modimo a tlišitšego seetša maphelong a bona

Bibele ya gago e lebega bjang?