Seswantšho se segolo – Letšatši la 14

Nakong ya ketelo kua Niamey, Niger, ke eme ke maketše ka se Bakriste ba bangwe fao ba se dirilego. Tumelo ya Niger ke mo go ka bago 99% ya Mamoseleme. Go be go na le bana ba 500 sekolong se. Ke fela bana ba lesome ba ba tšwago malapeng a Bakriste. Gape ke sekolo sa kereke gomme barutiši ka moka ke Bakriste.

Ka kwelebohloko e kgolo, hlogo ya sekolo o bolela ka dipono tša sekolo ka nageng ye e hlohlago Bakriste ka ditsela tše fapafapanego. Sekolo se sa Bakriste se aba thuto ya khwaliti ya godimo go barutwana ba sona. Dinnete tše tše pedi ga di ahlaahlwe eupša ke therešo, bjo gape ke mohuta wa boitshwaro bjo motho a ka bo letelago go tšwa sekolong sa Bakriste. Mesong ye mengwe le ye mwngwe, thuto ya Bibele e a fiwa gomme bana ba opela dikopelo tša Bokriste pele ba thoma letšatši le bona.

Batswadi ba ba sa thabišego ke mokgwa wa go ruta ba dumeletšwe go ka ntšha bana ba bona sekolong. Sa manyami ka naga ye ke gore sestemo ya bona ya thuto e phuhlame. Batswadi ga ba na dikgetho tše ntši tabeng ya khwaliti ya godimo ya thuto.

Ga ke a lemoga boitshwaro bja makoko go tšwa go hlogo ya sekolo goba barutiši ka gare ga sekolo. Go bona, Bokriste ke taba e bohlokwa kudu gomme go e hlagiša ke selo se se tlago pela maphelong a bona. Ba bega molaetša gabotse ka ntle le go befediša motho. Ga go na lenyatšo.

Bana ba kgathile tema go tšeeng diswantšho ka lethabo. Bašemane ba bantši ba itshwara bjalo ka borametlae gomme ba bangwe ba basetsana ba na le dihlong. Ke kgonne go tšea diswantšho tše ntši tše botse tša bana ba ba thabilego gape ba bapalago.

Menyetla ya go nea bohlatse e tla go rena letšatši le letšatši. Ka dinako tše dingwe, menyetla ye e tla ka nako ye re sa e letelago. Se se ra gore, bjalo ka Bakriste, re swanetše go lemoga menyetla ye le go ikemišetša go nea bohlatse. Gomme re swanetše go dira ka go naganela ba bangwe le bohlale. Re swanetše go ikemišetša go dira ge re kgopelwa. Tše ka mokago gore lerato la Jesu le bonagale ditirong tša rena.