Roadmap for Life – Day 4

₃₁“Ka gona le se ke la balabala la re: ‘Na re tla ja eng, re tla nwa eng, re tla aparang?’ ₃₂Tšeo ka moka ke tše baditšhaba ba dulago ba balabala ka tšona. Tatagolena wa legodimong o a tseba gore tšohle tšeo le phela ka tšona. ₃₃Lena sa pele le šomele mmušo wa Modimo le tše Modimo a nyakago gore le di phethe, gomme tše dingwe tšeo ka moka o tla le okeletša ka tšona.

₁Ge e le rena, re na le lešaba le legolo la dihlatse tša tumelo le le re dikaneditšego. Ka gona, a re roleng tšohle tše di re imelago, le sebe, e lego selo se se re tanyago gabonolo, gore re tle re kgone go kgotlelela go kata mokato wo re swanetšego go o kata wo. ₂A re duleng re lebeletše Jesu, yo tumelo ya rena go Modimo e re tlelago ka yena, yo a bilego a tiišetša tumelo yeo. Sefapano ga se sa ka sa mo palediša go phetha maikemišetšo a gagwe. Ebile, ka lebaka la lethabo le a bego a le lebeletše, o ile a se lewe ke dihlong tša go hwela sefapanong, gomme bjale o dutše madulong a bogoši kgauswi le Modimo Kgoši.