Bible Society of South Africa
Dithulaganyo tša go bala
Re bolokegile go Jesu Kriste
Re bolokegile go Jesu Kriste – Letšatši la 5
Ka Neville Turley

Re bolokegile go Jesu Kriste – Letšatši la 5

Ba Neile Se ba bego Ba ka se Kgona – Karolo ya II

(Di)temana ya Bibele

LUKASE 6

38Le fe ba bangwe, gomme Modimo le yena o tla le fa. Le tla fiwa ka kelo ya mmapaale ye e katetšwego ya ba ya ntšhwa mohlopha. Gape kelo ye le elelago ba bangwe ka yona, ke yona ye Modimo a tlago le elela ka yona.”

LUKASE 6:38NSO00Bula go Mmadi wa Bibele

2 BAKORINTE 8

Dimpho tše di fiwago Bakriste ba ba hlokago

1Banabešo, re le tsebiša tša kgaugelo ya Modimo ye a e bontšhitšego diphuthego tša Matsedonia. 2Le ge ba lekilwe gabohloko ka matshwenyego, lethabo la bona e bile le legolo mo e lego gore le ge ba diila ka mokgwa wo e bile bomafakudu. 3Ke tloga ke rereša ge ke re ba ntšhitše ka mo ba kgonago ka gona, ebile nka no re le go feta ka mo ba kgonago ka gona, e le ka boithaopo. 4Ba re kgopetše kudu ba re rapela gore re ba dumelele go tsenya seatla modirong wa go thuša badumedi ba Judea ka dimpho.

2 BAKORINTE 8:1-4NSO00Bula go Mmadi wa Bibele

Maabane, re boletše ka go nea ga go ikgafa ga mohlologadi wa modiitšana (Markose 12:41-44) le mošemane yo a neetšego ka dinkgwa tše tlhano tša garase le dihlapi tše pedi (Johanese 6:1-14).

Moya wa go nea o be o dutše e le karolo ya bophelo bja Bokriste. Go 2 Bakorinte 8:1-4, re bala ka dikereke kua Matsedonia. Le bona ba be ba phela dinakong tše boima tša ekonomi, eupša lethabo la bona e be e le le legolo moo e lego gore ba be ba ba nea ka seatla se se bulegilego. Le ge ba be ba diila, ba neile kudu ka mo ba bego ba ka kgona.

Kanegelo e tšwela pele. Bokgobapukung ka gare ga Ntlo ya Bibele kua Cape Town, go na le lefela le le galogilego. Mošemane wa moZulu, ka gare ga phapoši ye nngwe ya sekolo sa dinagamagaeng kua KwaZulu-Natal, o kgomilwe kudu ge morutiši wa gagwe a anega kanegelo ya mosetsana, Mary Jones. Leeto la gagwe la Bibele le dirile gore go hlongwe Mokgatlo wa Bibele le go dira gore batho ka moka ba be le diBibele.

Mmago mošemane o be a šetše a mo diretše mphago wa matena – lefela le tee. O kgopetše morutiši wa gagwe go romela lefela go Mokgatlo wa Bibele, gore ba le rekiše gomme ba nee motho yo mongwe Bibele.

Ka nako ya maleba, sephuthelwana se se bego se phuthetšwe gabotse sa lefela se fihlile ka poso kua Ntlong ya Bibele. O dirile se a bego a ka se kgona.

Kanegelo ga e a ruma fao. Mmoleledi wa Mokgatlo wa Bibele o hlalošitše kanegelo kopanong ya boditšhabatšhaba ya dikemedi tša Mekgatlo ya Bibele. Dikemedi di kgomilwe kudu ke go loka ga mošemane yo a bego a ikemišeditše go bolawa ke tlala gore a nee motho yo mongwe Bibele. Ba phatlaladitše kanegelo dinageng tša gabobona, gomme ya tutuetša ba bangwe go dira ka mo ba kgonago gore batho ba bagwe ba be le Bibele.

Bible Society of South Africav.4.26.9
RE HWETŠE GO