Re bolokegile go Jesu Kriste – Letšatši la 19

Tseleng ya rena ya rena wa bophelo, ka mehla go ba le dinako tše re swanetšego go dira diphetho tše bohlokwa ge tumelo ya rena ya Bokriste e dira gore re tšee kgato. Nako e bjalo e diregile bophelong bja mosadi yo go bolelwago ka yena temaneng ya rena ya lehono gomme mantšu a a bolelwago temaneng ke mantšu a Jesu ka sebele.

Mosadi yoo e be e le mosadisadi! Nakong ya ge bolwetši bja letlalo bo be bo boifiša kudu, ga a dikadika go etela ntlo ya Simone wa bolwetši bja letlalo. O bile le sebete kudu. Le ge go le bjalo, o tsebile gore Jesu o be a le fao gomme a nyaka go mmontšha tlhompho.

O ya ntlong gomme o hwetša Morena wa rena Jesu Kriste a dutše tafoleng. O be a swere sedibelo sa senkgabose se se sego sa tswakwa sa theko ya godimo sa narete. Oli ya narete e tšwa hlogong ya semela sa senkgabose sa Bohlabela bja India (setlolo sa go nkgiša bose sa narete). Ga se hwetšagale bonolo gomme se tura kudu. A thuba sedibelo sela, gomme a tšhela Jesu ka senkgabose seo hlogong. E be e le tiro ya go tura kudu, ya go tšwewa ke maikutlo.

Ba bangwe ba ba bego ba le moo ba selekega. Theko ya senkgabose sa narete ye a e tšhetšego hlogong ya Jesu e be e lekana le mogolo wa ngagwa wa mošomedi. Ba be ba nagana gore narete yeo ya go tura e ka ba e rekišitšwe gomme tšhelete ya fiwa badiidi. Go loka ga gagwe le lerato le botho di kgoma Jesu gomme o a mo šireletša: “Mo leseng, le mo tshwenyetšang?”, a realo, “Gape o ntiretše se sebotse.”

Leina la mosadi ga le a ngwalwa. Ga gona se sengwe se se tsebjago ka yena go e na le gore o dirile se a bego a se kgona. “Ruri, ke le botša,” gwa realo Jesu, “gore gohle lefaseng mo Ebangedi ye e tlago begwa gona, go tla bolelwa le se mosadi yo a se dirilego, e le gore a fele a gopolwa.” Markose 14:9

Le wena gape o ka anega kanegelo ya mošomo o mmotse wa mosadi yo. Tsela e tee ya go dira se ke go ba karolo ya Sehlopha sa Bibele ka Kgwedi sa Mokgatlo wa Bibele le go dira gore diBibele di be gona lefaseng ka bophara.