Thapelo – Letšatši la 8

Thapelo ya Morena, goba “Tatewešo” bjalo ka ge e tsebega kudu, e be e bolelwa ka leleme la Searama mathomong, leleme le le nyalelanago le Seheberu, mohlomongwe leleme la gaboJesu. Lega go le bjalo, go tloga ka nako ya Agostone ka ngwagakgolo wa bone, thapelo e be e šomišwa ka tsela ya go ruta balatedi ba Jesu ka “Tsela” ka thapelo.

Ka tsela ye thapelo e rulagantšwego go bopa phapano e kgolo le ka tsela ye Bajuda ba rapelago ka gona ka disinagogeng le mekgotheng, “ba touta bjalo ka baditšhaba” go bonwa ke ba bangwe. O re nea thapelo ye bjalo ka poledišano ya ka sephiring le Tatewešo, ye e re gopotšago gore Modimo ke Modimo wa tswalano yo a tsebago dipelo le menagano ya rena e re gopotša gore “Tatagolena o tseba tše le di hlokago le pele le mo kgopela tšona” (temana ya 8).

Thapelo ka tlwaelo e arogantšwe ka matseno, “Tatewešo wa magodimong”, ya latelwa ke dikgopelo tše šupa. Tše tharo tša pele tše di lebišitšwego go Modimo di mabapi le semelo sa gagwe (“leina la gago a le kgethwe”) le matshwenyego (“Mmušo wa gago a o tle”; “Thato ya gago a e dirwe”). Gomme re a dumelelwa, goba go laelwa, go ineela go mošomo wa Modimo le go rapela gore mošomo wo – le mmušo wa gagwe – o ka atlega gomme o phethege.