Thapelo – Letšatši la 7

O a lemoga gore o be o le go lenaneo la kgopelo la thapelo ya Kriste kgale pele o belegwa? Beke pele Kriste a bapolwa sefapanong, o be a le go poledišano ye e sa felego le Tatagwe. Go be go le bjalo ka ge eka o be a hlahlwa go ka beakanya dilo ka moka pele a tloga lefaseng.

Go Johanese 17 re bala gore ka poledišano ye e kgongwago kudu magareng ga Modimo le Morwa wa gagwe. Ke ge o ka re Kriste o begela Tatagwe mabapi le tše a di fihleletšego nakong ya gagwe lefaseng. O phethile mošomo wa gagwe. O tlišitše Lentšu go batho gomme ba dumela, gomme bjale o be a ikemišeditše go boela mo a tšwago gona.

Lega go le bjalo, o tshwenyegile kudu ka go tlogela balatedi ba gagwe lefaseng le gomme ka go realo o rapela Modimo a tiišitše gore a ba hlokomele. Gomme o rapelela nna le wena le bohle bao ba tlago dumela ka bohlatse bja barutiwa ba pele. O rapela gore re tla ba ba batee le yena le badumedi bao ba sa tlago tla.

Go a thabiša go tseba gore Modimo o šetše a re bone kgopolong ya gagwe pele re ka belega. Gomme sa go kgahliša kudu ke gore Kriste o šetše a go gafetše Modimo pele o ka mo tseba. Go a makatša! Aowa, ke go loka ga Modimo.