Thapelo – Letšatši la 2

Dinakong tša pele, Modimo O be a bolela le baprofeta ba bantši ka ditoro le dipono; lega go le bjalo Modimo o bolela ka mohlanka wa gagwe wa potego, Moshe, gore: “Ka gona yena ke bolela naye re lebantše difahlego; ke bolela le yena ka moo go kwagalago, e sego ka dika; gape o šetše a bone sebopego sa ka!” (Numeri 12:8).

Re ka ithuta eng go tsela ye Moshe a rapetšego ka yona? A re ngwaleng dipharologantšho tše bonolo tše di lego molaleng tša bophelo bja gagwe bja thapelo bjo bo ngwetšwego:

• Moshe o rapetše ge a bolela. Ga se a šomiša leleme la thapelo la go ikgetha.
• Moshe o fetošitše mokgwa wa gagwe wa go rapela gore o swanele thapelo. Ka dinako tše dingwe o be a bonala a eme, ka dinako tše dingwe a kotame ka mangwele; ka dinako tše dingwe a inamišitše sefahlego.
• Moshe a rapela nako ye nngwe le ye nngwe le go gongwe le go gongwe.
• Moshe o rapetše ka ditaba tše kgolo le tše nnyane.
• Moshe o be a ikokobeditše gape a hlompha thapelong.
• Ge mathata a hlaga ao a palelago ke go a rarolla, o be a a nea Modimo ka thapelo le semeetseng. Ga se a ka a leka go rarolla dilo ka noši le go mpefatša maemo goba go ya kgahlanong le thato ya Modimo ye phagamego.
• Moshe o be a ineela go thato ya Modimo, eupša a ikemišeditše go “rerišana” – go fihla boemong bjo itšego.
• Moshe a bulela mahlo, ditsebe le mogopolo wa gagwe le go theeletša go kwa go tšwa go Modimo.
• Moshe ga se a ye go Modimo ka lenaneo la go reka la dithapelo. O ile go Modimo ge ditaba tše di nyakago Modimo di hlaga.
• Modimo o tsebile Moshe ka leina ka ge a hweditše kgaugelo mahlong a Modimo. Seo ke selo se re swanetšego go katanela sona bophelong!

Se ke bohlatse bjo bobotse go tšwa go motho yo go feta batho ka moka ka Bibeleng a tlilego kgauswi le go kwešiša pelo ya Modimo.