Thapelo – Letšatši la 1

Go sehlogo sa thapelo ka Bibeleng: motho o be a ka phela bjang ka ntle le thapelo? O be a tla ba bjalo ka phoofolo ye e se nago monagano ye e laolwago ke ditumo tša yona. Eupša batho ga ba bjalo: Modimo a bolela le yena, gomme a arabela. Ka gona, a re rapeleng.

Thapelo ya Abrahama ke ye nngwe ya dithapelo tša sebete kudu ka Bibeleng. E bonwa bjalo ka thapelo ya pele ya semmušo ka Bibeleng le poledišano ya pele ye e tsebjago le Modimo go ka phološa baloki. Abrahama ga a hlohle Modimo fela eupša gape ke seboledi sa sekgwari thapelong. Go tšwa go thapelo ye re ithuta gore ke kwelobohloko efe ye re swanetšego go ba le yona go badiradibe, le ka fao re swanetšego go ba rapelela re tiišitše.

Sa go makatša kudu e be e le gore Modimo ka noši yo a laleditšego Abrahama tafoleng ya ditherišano ka pelong a re: “Na nka napa ka utela Abrahama seo ke tlilego go se dira?” (Genese 18:17). Eupša ke eng se se dirilego Modimo go go nagana gore Abrahama o tla ba le taba le kahlolo ye e swanetšego ye e bego e lokišeditšwe go fiwa? Go e na le moo, ka kwelobohloko a rapela legatong la moloki yo mongwe le yo mongwe, ge e ba o be a le gona, yo a bego a dula nageng yo a bego a tla hwa le batho ba kgopo.

Therišano ya Abrahama ka maphelo a batho ba Sodoma le Gomora ka nnete e a swanela go ba ye nngwe ya dithapelo tše kgolo tša Bibele. Gomme se se e dirago gore e se lebalege ke therišano ya go ya pele le morago magareng ga Modimo le Abrahama. Go se re bona gore thapelo ya motho wa go loka e a kwagala.

Mengwagakgolo morago go be go tlo ba le therišano ye nngwe ye mabapi le meoya ya batho: Jesu a ikgafa go neela ka bophelo bja gagwe go phološa ba bantši.