Nako e bohlokwa – Letšatši la 7

Puku e tee ka moka ya Bibele e mabapi le go hlohlomiša se bophelo e lego sona. Ke puku ya Mmoledi gomme e dira seo ka go hlohleletša boitshwaro bjo bo fapanego le bjo bo nyakegago.

Mongwadi o lebelela morago go bophelo bja gagwe gomme o bolela gore tšohle ke lefeela, lefeela la mafeela. Ba bantši ba dumela gore Kgoši Solomone, monna yo bohlale kudu yo a phetšego, e be e le mongwadi goba puku ya Mmoledi e mabapi le yena.

Lega go le bjalo, go sa šetšwe gore mongwadi e be e le mang, e be e le motho wa go huma kudu. Go phegeleleng ga gagwe go hwetša tlhalošo ya bophelo o be a eya meletlong ya beine go fihla ge a lemoga gore se e be e se karabo. A thoma diprotšeke tše kgolo tša go aga, a aga dintlo, a dira dirapa tša morara, dirapa le dirapa tša dienywa. A reka makgoba, a ba le mehlape e mentši go feta bohle Jerusalema gomme a kgoboketša silibera le gauta e ntši go tšwa matlotlong a mošate dinageng tše a bego a buša go tšona.

O be a na le dilo ka moka tše a bego a di nyaka. Go tše ka moka a se lahlegelwe ke bohlale ka gobane o lemogile gore ga go e tee ya diphihlelelo tša gagwe ye e bego e tla ba bohlokwa mafelelong. Go swana le go phuthela phefo ka kobo, ga gona mohola. O be a sa kwešiše morero wa bophelo.

Mafelelong, a bona leano la Modimo la bophelo bja gagwe. Modimo o beile ka mo go sa felego dipelong tša rena gomme seo ke sona se se dirago gore bophelo bja rena bo be le morero.

Maphelo a rena ga se a rena, ke a Modimo. Ke mošomo wa gagwe wa go ya go ile wo re lego fa go o dira, leano la gagwe le tšhupamabaka ye re swanetšego go e latela. Re swanetše go mmoifa le go latela melao ya gagwe.

Modimo a re fe kgaugelo ya go dira bjalo.