Naa Monna yo o be a tlile go dira eng? – letšatši la 2

Nakong ya Jesu, dikgohlano tša go swana di be di le gona kua Jerusalema le Israele bjalo ka lehono. Baroma ba be ba buša tikologong yeo. Ba be ba ikwela e le balaodi ebile ba buša. Ba be ba obamela melao gape ba thathafetše dipelo go baipelaetši le marabele. Ba be ba bolaya baetapele ba boipelaetšo ka ntle le lebaka ka go ba bapola. Go bapola go go bjalo e be e le phapošo ya šedi go mašole ao a bego a le kgole le gae.

Letšatši pele a bapolwa, Jesu o sekišitšwe bošego ka moka. O be a se na molato, gomme a latofatšwa ka tatofatšo ya maaka. Mašole a Mo tliša ka lapeng la kgorotsheko. Gabonolo, mašole a 100 a fihla. Ba thoma go raloka le Yena papadi e telele ya go kitima leswiswing a leka go kgwatha goba go tšhoša batho ba bangwe ba le gare ba re: Kgoši-kgoši. Mohlomongwe, e be e le mašole a Bajuda ao a bego a thwetšwe ke Baroma. Ba be ba tseba yo Jusu a bego a ipitša Yena. Ba ile ba mo kwera. Ka kgare ya meetlwa le seaparo sa purepura magetleng a gagwe, ba khunama pele ga Gagwe: “Re a go lotšha, Kgoši ya Bajuda!”

Papdi e tšwetše pele go fihlela Jesu a fegwa sefapanong. Gomme, selo sa go makatša sa direga. Ka iri ya lesomepedi, mosegare wa sekgalela, gwa ba leswiswi le lesoleso diiri tše tharo, bjalo ka bošego. Diiring tšeo tše tharo tša leswiswi, kahlolo ya direga.

Le semeetseng, batho go dikologa sefapano ba lemoga seo se bego se tla direga ge Modimo a be a tla tlogela lefase go lona. Go ka se sa ba le letšatši gape go se sa ba le seetša, gomme ka go realo, gwa se sa ba le bophelo.

Dinakong tšeo tša leswiswi, Bibele e re, Jesu o dirilwe sebe. Bjalo ka motho, Jesu Kriste a tlaišega ka se se bego se re swanetše. Morago ga diiri tše tharo, gwa ba le seetša gape, leswiswi la fela. Seetša sa fenya leswiswi gomme Jesu a fenya Sathane.