Naa Monna yo o be a tlile go dira eng? – letšatši la 1

Jesu o neetše ka bophelo bja gagwe go wena le lefase. Ga se a ka a swara ditalente tša gagwe go Yena. Jesu o kgathile tema ye bohlokwa go hlankeleng lefase ka moka go ba go fihla mafelelong. Ge o ka ithuta go bona yo Jesu e lego Yena, gomme go tšwelela potšišo ya gore: naa Morwa wa Modimo o be a tlile go dira eng lefaseng?

Go filimi ya bosenyi e bitšwago “Lefase”, moahlodi ka boYena o tla lefaseng. Tsheko e a thoma. Jesu ga se moahlodi yo a lego kgole gomme o ahlola go tšwa mošate wa gagwe ya toko. O tla ka boyena go tlo nyakišiša lefelo la tiro ya bosenyi. A le gare a bolela le go rera, O hlaloša seo gabotse se diregago. Ka go latelelana, dihlohleletšo filiming ya bosenyi di tla ka pele. Ka mantšu a gagwe, o utolla mosenyi o mogolo, Sathane. Mantšu a Jesu a phelago a bogale gape a botega. Ka go bala ditokete tše, go molaleng gore balatofatšwa ke bomang: rena.
Eupša seo se sa naganwago se a direga. Moahlodi ka boYena o a bolawa.

O ka nagana le go bolela seo o se nyakago ka Modimo, eupša o ka se bolele gore Yena o bolela fela ntle le go dira se a se holofeditšego. Morago ga ge batho ba bile kgakanegong mengwagakgolo, Jesu a tšwelela. Gomme ka Jesu, ga se taba ya go bolela fela ntle le go dira se a se holofeditšego. O dira se a se bolelago gomme a tšea sepheto sa go ka neela bophelo bja gagwe go ka rarolla bothata bjo bogolo bja motho. Jesu ke Yena yo a tšerego kgato e bohlokwa. Dikokotela ka diatleng tša gagwe le maotong di tlišitše phološo ya rena. Lehu la gagwe le butše mehla e mefsa go tswalano magareng ga Modimo le motho.