Modimo wa lerato, kholofelo, kgaugelo le khutšo – Letšatši la 5

Le se balabale ka selo; sengwe le sengwe se le se nyakago le se kgopele go Modimo ka moya wa thapelo le tebogo. Ke mo Modimo a tlago le phefiša go ja pelo le go tshwenyega le le ba Kriste Jesu, mo e lego gore ga go motho yo a kago kwešiša. Bafilipi 4:6-7

Paulose o be a le kgolegong ge a ngwala lengwalo le go ya go Bafilipi. A ga se mantšu a ke a letetšego go tšwa go motho yo a se nago molato yo a lego kgolegong! Eupša ge Paulose a itemogela “khutšo ye e fetago kwešišo ka moka” go sa šetšwe maemo a gagwe, o kgona go lemoša le go tutuetša badumedi kua Filipi. Paulose o be a le kgolegong gomme a tshepha Modimo; o boditše Modimo dinyakwa tša gagwe. O tsebile gore o be a le ka matsogong a mabotse – o bile le khutšo! Nka nagana fela ka seabe se bopaki bjo bo bilego le sona ge kereke kua Filipi e amogela lengwalo la gagwe le go le bala. “Le se balabale ka selo; sengwe le sengwe se le se nyakago le se kgopele go Modimo ka moya wa thapelo le tebogo.”

Ke amogetše SMS letšatši le lengwe, seswantšho sa legotlo le lennyane ka pele le moriti wa lona o mogolo ka morago ga lona ka mantšu a: “dipelaelo di nea dilo tše nnyane meriti ye megolo!” Pelaelo e dira gore bothata bjo bonnyane bo lebege e le bjo bogolo. Ke nako ye kae ye re e fetšago re belaela ka dilo tše di kago direga! Go na le seema sa kgale se se rego, “Pelaelo ke mokgalabje wa hlogo ye e sekamego, yo a swerego mokgobo wa mafofa ao a naganago gore ke morodi.” Se ga se re gore ga gona dilo tše thata bophelong bja gago, eupša gore makga a mantši, re dira gore di mpefale kudu ka go belaela.

Modimo o nyaka bana ba gagwe go itemogela khutšo e phethagetšego. O re laletša go tliša mathata a rena le merwalo go yena. Selo le ge e le sefe se se go tshwenyago lehono, se bee ka matsogong a Modimo ka thapelo gomme o se tlogele fao.