Modimo wa lerato, kholofelo, kgaugelo le khutšo – Letšatši la 21

Ka bona motse wo mokgethwa, Jerusalema ye mpsha, o theoga legodimong go Modimo, o kgabišitšwe bjalo ka monyadiwa yo a tšhepetšego monyadi wa gagwe. Kotullo 21:2

Ge re itokišetša sehla sa Krisemose, gape re ka letela go boa ga Kriste – re swanetše go letela le go holofela go itokišetša.

Motse o be o “itokišeditše bjalo ka monyadiwa yo a tšhepetšego monyadi wa gagwe”. Nagana monyadiwa a lokišetša lenyalo la gagwe: dikgwedi e sa le pele, dilo ka moka di a rulaganywa, go letetšwe letšatši la monyanya. Temana ya lehono e ra motso wo mokgethwa. Mokgethwa – hlaoletšwego Modimo. E nkgopotša ka fao Estere a feditšego nako ya dikgwedi tše 12 a thakgwa ka ditlolo le go botsofatšwa pele a ka tšwelela pele ga Kgoši Zerksese.

Kriste o a boa gomme ga go yo a tsebago go re neng. Naa o o itokišitše? Naa o tla go hwetša o dira eng? Naa o tla go lemoga ka fao o gatetšego pele tseleng ya bokgethwa gomme o nyakile o swana le yena? Naa o tla itokišetša go boa ga gagwe moo o tlago bula matsogo a gago go mo amogela?

E nkgopotša seswantšho se Jesu a se anegilego go Mateu 25 mabapi le dikgarebe tše lesome tšeo di emetšego monyadi; ke fela tše tlhano tše di bego di itokišitše le go letela go fihla ga gagwe.

Anke nako ye gape e re gopotše gore Kriste o re lokišeditše lefelo ntlong ya Tatewešo gomme o tla boa marung. Re swanetše re letele go boa ga gagwe re itokiše go mo amogela!