Modimo wa lerato, kholofelo, kgaugelo le khutšo – Letšatši la 2

Eupša o mo hlaeditše gannyane a se lekane le wena; o mo godišitše ka letago le tlhompho. Pesalome 8:5

Ge o bala mantšu bjale, o yo mongwe wa “bona” yo Mopesalome a bolelago ka bona! Modimo o go bopile mo o nyakilego o e ba morongwa le go go nea botumo. O go bopile gabotse kudu. Go Genese 1:26, re bala gore Modimo o tšere sephetho sa go bopa motho bjalo ka moemedi wa gagwe, ka seswantšho sa gagwe; gomme ge a lebelela tšohle tše a di bopilego, a bona e le tše botse kudu. Goba, ge Modimo a ela tlholo ya gagwe ya batho, o boletše gore ke ye “botse kudu”!

O go lebelela ka go makala lehono. Mahlong ga gagwe, o yo mmotse kudu. O lora ka wena, o a mo thabiša gomme o go direla dithulaganyo. Ka ntle le lebaka la gore o go bopile ka tlhokomelo e kgolo kudu, o bile bajalefa-gotee le Kriste ka lehu la Jesu sefapanong!

Nna le wena – le mo go nyakilego go e ba ka moka diphedi tša legodimo, baemedi ba Modimo, seswantšho sa Modimo – re phela bjang letšatši le letšatši? Naa re phela bjalo ka barwadi ba seswantšho sa Ramaatlaohle, sa bajalefa ba Modimo a nnoši? Naa re a ikgopotša gore re mphapahlogo wa tlholo ya Modimo le go dira ka mo go swanetšego?

Ge o eme pele ga seipone lehono, ema nakwana, lebelelela seswantšho sa gago o leke go bona se Modimo a se bonago. “Ditho tša ka tšohle di hlodilwe ke wena; ke wena o di kgomagantšego ka popelong ya mma.” (Pesalome 139:13)