Modimo wa lerato, kholofelo, kgaugelo le khutšo – Letšatši la 1

“… mme le beng ba bakgethwa, ka gore nna ke yo mokgethwa.” Lefitikose 11:44

Dibatsela wa pele ke Letšatši la Bakgethwa ka Moka ditšong tše dingwe tša kereke. Mathomong a ngwaga wa 835 AD (ngwageng wa Morena), 1 Dibatsela le be le gopolwa ke kereke bjalo ka letšatši la maikhutšo le lekgethwa. Ka letšatši le, banna le basadi go tšwa dinageng tše fapafapanego ba a gopolwa ka mehlala ye bona ye mmotse kudu ya tumelo. Go gopolwa ga motho bjalo ka Mme Teresa le mohlala wa gagwe o mmotse wa lerato mekutwaneng ya Calcutta, go tšwela pele go tutuetša diketekete tša batho.

Ka kwešišo ya nnete ya Bibele, badumedi ka moka ge e le gabotse ke bakgethwa. Se ga se re gore badumedi ga ba dire dibe le go ba ba bakaone go feta ba bangwe. Go ra gore badumedi ke ba bakgethwa, ka gobane ba tswalanong le Modimo, gomme ka ge Moya wa gagwe o dula ka gare go bona, ba ba bjalo ka yena. Go Lefitikose 11:44, re bala gore Modimo o file molao wo go batho ba gagwe ka moka (e se fela sehlopha se itšego magareng ga bona): “Le beng ba bakgethwa, ka gore nna ke yo mokgethwa.” Go ba yo mokgethwa, mohlala, go kgethwafatšwa, ke molao go tšwa go Modimo go ya go yo mongwe le yo mongwe wa bana ba gagwe. O re kgopela gore re swane le yena kudu; go phela kgauswi le yena moo re bago babonagatši ba bokgethwa bja gagwe lefaseng – ponagatšo ya lerato la gagwe, kholofelo le khutšo. Go ba mokgethwa ke go ba tšhanele ya Felo mo Gokgethwa; go mo dumelela go phadimiša seetša sa gagwe lefaseng le ka rena.

Eka Letšatši la Bakgethwa ka Moka le ka re tutuetša go tšwela pele tseleng ya bokgethwa, gore re opele kopelo ya kgale:

“Re sepela mehlaleng

Ya bao ba fetilego pele

Eupša ka moka re a kopana gape

Lebopong la leswa le le hlabetšego ke letšatši

Ge bakgethwa ba tsena

Ge bakgethwa ba tsena

Morena ke nyaka go ba yo mongwe wa bona

Ge bakgethwa ba tsena!”