Modimo ke Mang? – Letšatši la 21

Lerato ke le lengwe la ditsepelelo tše bohlokwa lefaseng gomme go sa šetšwe gore o tšwa kae, o tla tseba ka lona. Go batho go ba maratong, go hwetša molekani wa gago wa bophelo ka moka le go mo rata ke ye nngwe ya dilo tše bohlokwa bophelong. Gabotsebotse, ke selo se se amago lethabo la rena le ka tsela ye re phelago ka yona. Eupša re botšwa gore re rate ba bangwe gape, e se fela balekani ba rena goba ba lelapa. Se ga se makatše go rena ge re bona gore lerato le boitlamo di tšwa go Modimo gomme lerato le tsemile medu go Yena. Ge e le gabotse, lentšu lerato le tšwelela makga a 551 ka gare ga Bibele ya NIV, selo se go sona re kago ithuta tsebo e ntši.

“Modimo ke lerato” ke polelo e bonolo ye o kago e kgolwa ka Yena, ka gobane re bona bohlatse gohle moo re lebelelago gona. Dilo ka moka lefaseng di dirilwe le go hlangwa go tliša tšhegofatšo, bophelo bjo bo tšwelago pele le lethabo go motho yo mongwe le yo mongwe, ntle le go tlogela batho ba bangwe. Se se ra gore se e be e se kotsi! Lerato ka nnete ke boemo bjo bo tseneletšego kudu bja tswalano gomme ke tiro ya sehlabelo. Le akaretša go bea batho ka moka boemong bjo bo swanago le bja gago le go hlokomela dinyakwa tša bona pele go tša gago. Ka tsela ye e swanago ya go hlokomela ye monna le mosadi ba ipshinago ka go aga legae la bona le ba lapa la bona, ba dira tšohle ka maatla a bona go le dira gore e be le lebotse le la boiketlo go bona, ka gona Modimo o ipshinne ka go hlola lefase le lebotse gore bohle ba ipshine ka lona. Ga a thibele motho ofe goba ofe go bona le go ipshina ka se A se dirilego, goba go thibela motho ofe goba ofe go dinyakwa tša gagwe tša motheo. O nyaka gore ka moka ga rena re ipshine ka lefase le go le abagana le go phela ditseleng tša Gagwe tša lerato.

Se se lemogile ke Jesu go Mateu 5:43-45: “Le kwele gore go thwe: ‘O rate ngwaneno, lenaba la gago lona o le hloye.’ Ge e le nna ke le botša gore le rate manaba a lena, le rapelele bao ba le hlomerego, gore le tle le be bana ba Tatagolena wa legodimong, yo a hlabišetšago baloki le bakgopo letšatši go swana, le pula a e nešetšago ba ba dirago tše di lokilego le ba ba dirago tše mpe.” Tše ke dipharologantšho tša mogau tša Modimo wa lerato, Yo a neago a lokologile go bohle. O nyaka gore rena ka moka re latele mohlala wa Gagwe gomme re se rate fela bao ba re ratago.

Go Johanese 15:13 Jesu o re: “Lerato la go feta la ge motho a ka hwela bagwera ba gagwe ga le gona.” Modimo o re bontšha mohlala ka gore Morwa wa Gagwe O gafile bophelo bja Gagwe go lefase go le bontšha ka fao A le ratago ka gona.