Modimo bjalo ka mothopo wa kholofelo – Letšatši la 5

Jerusalema e be e na le phišego e kgolo ka ditaba tše botse tša gore Jesu Kriste o tsogile bahung. Go le bjalo, kholofelo ye e kwagalago e bile gore lehu ga e sa le pheletšo gomme seabe sa se se kwagetše kgole le kgauswi.

Palo ya badumedi e oketšegile kudu. Bobedi Bajuda le Baditšhaba ba amogetše Moya wo Mokgethwa gomme ba kolobetšwa ka leina la Jesu Kriste (Ditiro 10:47-48). Go bile kua Antiokia mo badumedi ba pele ba thomilego go bitšwa Bakriste (Ditiro 11:26).

Flavius Josephus, Mofarisei le mongwadi le mohistori wa go tuma wa Moroma, o belegwe ka AD 37. O boletše se ka Bakriste: “Bjale go be go le ka nako ye, Jesu, monna yo bohlale, ge go le molaong gore ke mmitše monna, ka gobane e be e le modiri wa mešome e mmotse, moruti wa batho bao ba bego ba amogela nnete ka lethabo. O gogetše go yena bobedi Bajuda ba ba ntši le Baditšhaba ba ba ntši. E be e le Kriste; gomme ge Pilato, ka tšhišinyo ya banna ba bagolo magareng ga rena, a mo ahloletše sefapano, bao ba bego ba mo rata mathong ga se ba mo tlogela, ka gobane o tšweletše go bona a phela ka letšatši la boraro, bjalo ka ge baprofeta ba boletše pele ka se le dilo tše ntši tše botse tše dikete tše lesome ka yena; gomme kgoro ya Bakriste, ye e retšwego leina go tšwa go yena, e sa le gona le lehono” (The Antiquities of the Jews: Flavius Josephus).

“Kgoro ya Bakriste” e tšwela pele go gola lehono. Bokriste ke bodumedi bjo bogolo kudu lefaseng. Go ya ka Todd M Johnson le Peter F Crossing, go sengwalwa “Independent Christianity and Slum Dwellers”, go be go na le mo e ka bago dibilione tše 2,4 tša Bakriste lefaseng ka 2013, mo e bago tee-tharong ya setšhaba sa lefase.