Modimo bjalo ka mothopo wa kholofelo – Letšatši la 3

Go Markose 8:31-38, Jesu o bolela ka tlhophego ya gagwe le lehu le le tlago. Re ka ba re le lešabeng leo, ka gobane molaetša wa gagwe o ama rena ka moka.

Go bolelwa la pele ka “sefapano” ka go Ebangedi ya Markose. Ge o be o le lešabeng leo, o phela ka tlase ga taolo ya Roma, se se ka be se go tšhošitše.

Lentšu “sefapano” ga le na seabe se se šoro ditsebeng tša rena lehono. Eupša tlhalošo ya se Morena wa rena a se bolelago ke se se swanago gabotse. Ge o nyaka go latela Jesu o swanetše o ikemišetše go mmea pele le go ba yena a tlago pele bophelong bja gago. Ga go tsela e nngwe. Ga go selo gomme ga go motho yo a swanetšego go ba bohlokwa go feta tswalano ya gago le Mophološi. O swanetše o ikemišetše go ikgafa, o rwale sefapano sa gago gomme o mo latele.

Leboga Modimo ka hlatse ye e filwego rena pele ke Stefane (Ditiro 6 – 8:1). Go moloko o mongwe le o mongwe go bile le bahwelatumelo bao ba kgotleletšego tlhophego go fihla boemong bja lehu gomme ka tlhophego ya bona ba tumiša leina la Modimo.

Tlhomaro ya Bakriste e sa tšwela pele go fihla lehono. Motho o hloka go latela dipego tša diphatlalatši tša ditaba go kwešiša ka fao Bakriste ba swerwego gabohloko ka gona gomme gantši ba bolawa gasehlogo, ka lebaka la tumelo ya bona ya Bokriste.

Ga se rena ka moka bao re bitšwago ke Modimo go dira sehlabelo se segolo, eupša ka moka re bitšwa ke Modimo go phela bophelo bjo bo laolwago ke Kriste. Seo se ra gore re ikgafile go phetha thato ya Modimo maphelong a rena. Moya wo Mokgethwa o re kgontšha go dira seo.