Mathomo a maswa – Letšatši la 2

Ka Diphalana 2011, sehlopha sa ditlou, ka Serapeng sa Bosetšhaba sa diphoofolo sa Chobe kua Botswana, se ile sa yo nwa meetse go le tee la matangwana a meetse. Ge e tee ya ditlou tše kgolo e tsenya pogo ya yona ka meetseng, kwena e ile ya e swara ka maatla a yona ka moka. Tlou, ye e lemogilego gore e na le maatla a mantši go feta kwena, ya gata hlogo ya kwena. Ga go a tšea nako e telele pele boima bja tlou bo dira gore kwena e tlogele pogo ya yona gomme ya sepela.

Ka tsela ye e swanago ya ge tlou e swerwe e sa nagana ke kwena, ditšhitišo ka nako ye nngwe di ba gona maphelong a rena. E ka ba mathata lefelong la mošomo, go utolla gore molekani wa gago ga a go botegela, go hwetša o na le bolwetši bjo kotsi, bothata ka ngwana wa gago goba pego ya bohlakodi goba polao (mohlomongwe mokgotheng wa gago).

O ikarabela bjang go ditaba tše? Naa o dumelela poifo go go fenya? Goba o ikgopotša gore Jesu o fentše lehu gomme a re fa Moya wa Gagwe wo Mokgethwa, go re matlafatša gore re lwantšhe ditlhaselo tša lenaba?

Theeletša gape mantšu a Jesu go Lukase 10:19: “Theeletšang! Ke le fa maatla a gore le gate dinoga le diphepheng, le a gore le fenyetše Sathane sa ruri; gomme ga go se se tla tsogago se le dirile selo.”

Jesu o re fa maatla a gore re gate dinoga le diphepheng, eupša gape le dikwena (ka sebopego sa ditlhohlo le mathata maphelong a rena). Ka gona, a re mo kgopeleng gore a re tlatše ka Moya wo Mokgethwa gore re, ka boitshepo, gatele pele bjalo ka tlou go hlogo ya kwena gomme re e letele gore e ruthe e sepele! Ke go lakaletša mahlatse.