MAATLA A LEHONO – Letšatši 4

₇Na nka go tšhabela kae?

Ke kae mo nka go khutelago gona?

₈Ge nka rotogela legodimong,

ke yo hwetša o le gona;

ge nka yo patlama bodulabahu,

o tla be o le gona kua.

₉Ge nka fofela kua bohlabatšatši,

goba ka yo dula ka mafelelong a bodikelatšatši,

₁₀le gona moo o tla ntlhahla ka seatla sa gago,

o tla ntshwara ka seatla sa la go ja.

₁₁Le ge nka re leswiswi le mpipe,

goba seetša e be bošego go ntikologa,

₁₂go wena leswiswi ga le fifale,

le bošego bo taga bjalo ka mosegare –

go wena leswiswi le swana le seetša.

₅O tshephe Morena ka pelo ya gago ka moka.

O se ke wa tshepha kwešišo ya gago.

₆O gopole Morena dilong tšohle tše o di dirago,

gomme yena o tla go lokišetša ditsela.

₃Yo a sa tekatekego maikemišetšong a gagwe,

wena, Morena, o mo phediša ka khutšo ya mmakgonthe,

ka ge a botile wena.

₄Botang Morena go ya go ile,

ka mehla ke yena Mošireletši wa lena.