Lokologa – Letšatši la 1

Ka gare ga Musiamo wa Engelane, mmepe go tšwa go ngwagakgolo wa lesometshela o bile le, go ya le ka ditumelo tša nako yeo, mongwalo wa tlhalošo le dithalwa tšeo e bego e le ditemošo go basepedi. Lefelong le lengwe e be e re: “Mo go dula dinatla.” Go le lengwe e re: “Hlokomela diterakone.” Gomme go le lengwe e re: “Mo go phela diphepheng tše di tshwago mollo.”

Go mafšega, ditemošo tše di be di emiša ditoro dife goba dife tša go sepela. Le ge go le bjalo, ka morago ga go hlahloba mmepe nako e telele, ramahlale Sir John Franklin o phumotše ditemošo ka e tee ka e tee gomme a ngwala go selaganya mmepe: “Modimo o gohle.”

Ka moka ga rena re na le go lebeletšana le kgonagalo ya “diterakone, diphepheng tše di tshwago mollo le dinatla” (ka sebopego sa kgatelelo ya ditšhelete, bolwetši goba ditlhohlo lapeng goba mošomong). Le ge go le bjalo, ke eng boikarabelo bja gago ka gare ga ditemošo le matšhošetši? O dumelela letšhogo go go golofatša, mola o lahlegela ke kholofelo ya bokamoso bjo bokaone? Goba o a ikgopotša, bjalo ka Sir John Franklin, gore Modimo – Yo a sa fetogego – o šetše a tseba bokamoso bja gago le gore o na le dikarabo ka moka?

Go Diema 15:3, moreti o ngwala gore: “Mahlo a Morena a mo gohle …” Go Lukase 10:19 Jesu o re: “Ke le fa maatla a gore le gate dinoga le diphepheng, le a gore le fenyetše Sathane sa ruri; gomme ga go se se tla tsogago se le dirile selo.” Gomme go Johanese 10:10 Jesu o rile: “Lehodu lona le tlela go utswa le go bolaya le go lobiša. Nna ke tletše gore dinku tša ka di phele – di phele bophelo bjo bo feletšego.”

Na o ikhwetša boemong moo pelo ya gago e kibago gomme mpa ya gago e a bofega? A re tsepeletšeng mahlo a rena go Modimo. Ga a tsebe fela tše di tlago hlaga nakong e e tlago, o nyaka go re hlahla kgato ka kgato go feta terakone, phepheng le senatla se se tšhošetšago go re fenya, gore ka nnete re be le bophelo bjo bo feletšego bjo Jesu a bo hwetšego. Modimo a go šegofatše.