Khomotšo go tšwa Lentšung – Letšatši 6

₇Ke reta Morena yo a nkeletšago;

le bošego letswalo la ka le a ntemoša.

₈Ke dula ke tseba gore Morena o na le nna;

ka ge a le kgauswi, nka se thedimoge.

₉Ka gona ke thabile, ke hlaletše,

mme ke ikwa ke bolokegile,

₁₀ka gobane o ka se nkgafele bodulabahu;

o ka se lese mmotegi wa gago a eya boyabahu.

₁₁O ntlhahla tseleng ya bophelo;

ge ke na le wena ke thakgala kudu.

O nthabiša go ya go ile.

₁Ke a go tumiša, Morena,

gobane o mphološitše lehung,

wa se dumelele manaba a ka go ntshega.

₂Ke go lletše,

Morena Modimo wa ka,

mme wa mphodiša bolwetšing.

₃O nkgomišitše ke eya bodulabahu, Morena.

Ke be ke le gare ga bao ba theogelago go baithobaledi,

eupša wena wa nntšha.

₄Opelelang Morena ditumišo,

lena babotegi ba gagwe!

Tumišang yena Mokgethwa!

₅Bogale bja gagwe ke bja lebakanyana fela,

botho bja gagwe bjona ke bja bophelo ka moka.

Le ge mantšiboa motho a ka robala a lla,

mosong o tsoga a thabile.

₁Ntšhireletše, Modimo,

gobane ke tšhabela go wena.

₂Ke botša Morena ke re:

“Mong wa ka ke wena;

ga go se se nkgahlago ntle le wena.”

₃Bakgethwa ba ba lego mo nageng ke dinatla;

ke bona ba ba nkgahlago kudu.

₄Bao ba kitimelago medingwana ba itlišetša mathata a mantši.

Nna nka se phase medingwana ya bona;

le maina a yona nka se a bitše.

₅Morena, ke wena lefa la ka;

tšohle tše ke di hlokago ke di fiwa ke wena.

Bophelo bja ka bo ka diatleng tša gago.

₆O ntira gore ke ipshine ka bophelo;

o dira gore bo ntsefele e le ruri!

₇Ke reta Morena yo a nkeletšago;

le bošego letswalo la ka le a ntemoša.

₈Ke dula ke tseba gore Morena o na le nna;

ka ge a le kgauswi, nka se thedimoge.

₉Ka gona ke thabile, ke hlaletše,

mme ke ikwa ke bolokegile,

₁₀ka gobane o ka se nkgafele bodulabahu;

o ka se lese mmotegi wa gago a eya boyabahu.

₁₁O ntlhahla tseleng ya bophelo;

ge ke na le wena ke thakgala kudu.

O nthabiša go ya go ile.

₁Retang Morena!

Ke mo gobotse go opelela Modimo wa rena ditumišo;

go a kgahliša ebile go a swanela go mo reta.

₂Morena o tsošološa Jerusalema;

o kgoboketša mathopša a Israele.

₃O homotša ba ba nyamilego,

o ba kgothatša manyaming a bona.

₄O beile dinaledi ka palo ya tšona,

a thea ye nngwe le ye nngwe leina.

₅Mong wa rena ke yo mogolo,

yo maatlamaatla,

bohlale bja gagwe ga bo elwe.

₆Morena o babalela banyatšegi,

bakgopo bona o a ba kokobetša.

₇Opelelang Morena sefela sa tebogo,

le opelele Modimo wa rena le letša sekgapa.

₈O pipa leratadima ka maru,

o nešetša lefase pula,

o mediša bjang mebotong.

₉O fa diphoofolo dijo tša tšona,

le mafotwane a magokobu ge a lla.

₁₀Ga a iše felo ka maatla a pere,

le a mohlabani ga a mo kgahle;

₁₁o kgahlwa ke ba ba mmoifago,

ba ba botilego rato la gagwe, kilaphetogo.

₁₂Reta Morena, wena Jerusalema!

Tumiša Modimo wa gago, wena Sione!

₁₃Gobane ke yena a dudišago batho ba gagwe ka boiketlo;

ke yena a šegofatšago badudi ba gago.

₁₄Ke yena a tlišago khutšo nageng ya lena,

gape a le khorišago ka dijo tše bosebose.

₁₅O ntšha ditaelo tša gagwe lefaseng,

gomme di fihla ka pela.

₁₆O neša lehlwa la šweufala bjalo ka leokodi;

šobane o e gaša bjalo ka molora.

₁₇O neša sefako se sekoto;

botšididi bja sona bo ka kgotlelelwa ke mang?

₁₈A ntšha taelo, tšeo ka moka tša tologa;

a fokiša phefo, meetse a tšona a ela.

₁₉Tše a di laetšego o di tsebiša Bajakobo,

ee, bona Baisraele ditaelo le melao ya gagwe o ba begela tšona.

₂₀Ga go tšhaba se sengwe se a se diretšego bjalo,

gomme taelo tša gagwe bona ga ba di tsebe.

Retang Morena!

₁Retang Morena!

Retang Morena le le magodimong;

mo reteng, lena le lego godimo.

₂Mo reteng, lena barongwa ka moka;

mo reteng, lena dihlolwa tša legodimong.

₃Mo reteng, lena letšatši le ngwedi;

mo reteng, lena dinaledi tšohle le phadimago.

₄Mo reteng, lena magodimo a godimodimo,

le lena meetse a ka godimo ga leratadima.

₅Tšohle a di rete Morena,

yo e rilego ge a laela, tša hlolega.

₆O di beetše ruri madulong a tšona ka taelo ya go ya go ile.

₇Retang Morena mo lefaseng,

lena bommamogašwa le lena diphamphamadiba tšohle;

₈lena magadima le sefako le lehlwa le kgodi,

le lena madimo, le kwago taelo tša gagwe;

₉lena dithaba le meboto yohle,

le lena meremelewa le mesedere yohle;

₁₀lena phoofolo tša nageng le diruiwa;

lena digagabi le dinonyana tša go fofa,

₁₁lena magoši a lefase le lena merafe yohle;

lena babuši le lena balaodi ba lefaseng;

₁₂lena masogana le lena makgarebe;

lena batšofadi le lena bafsa.

₁₃Bohle a ba rete Morena;

ke yena fela a phagamego,

bogoši bja gagwe bo okametše lefase le legodimo.

₁₄O tiišitše Baisraele, tšhaba sa gagwe,

bona ka moka ba ba mmotegelago,

sona tšhaba se se lego kgauswi le yena,

gore se mo rete.

Retang Morena!

₁Ke a go tumiša, Morena,

gobane o mphološitše lehung,

wa se dumelele manaba a ka go ntshega.

₂Ke go lletše,

Morena Modimo wa ka,

mme wa mphodiša bolwetšing.

₃O nkgomišitše ke eya bodulabahu, Morena.

Ke be ke le gare ga bao ba theogelago go baithobaledi,

eupša wena wa nntšha.

₄Opelelang Morena ditumišo,

lena babotegi ba gagwe!

Tumišang yena Mokgethwa!

₅Bogale bja gagwe ke bja lebakanyana fela,

botho bja gagwe bjona ke bja bophelo ka moka.

Le ge mantšiboa motho a ka robala a lla,

mosong o tsoga a thabile.

₆Mola ke sa iketlile ke ile ka ipotša ka re:

“Nka se tsoge ke tshwentšwe ke selo.”

₇Ka botho bja gago, Morena,

o ile wa ntiiša boka thaba;

fela ka morago wa tla wa mphuralela,

mme ka boifa.

₈Ke ile ka go bitša, Morena;

ke ile ka go rapela ka re:

₉“Lehu la ka le tla go hola ka eng?

Ke ra ge nka ikela bodulabahu?

Kgane bahu ba kgona go go reta?

A ba ka bega potego ya gago?

₁₀Nkwe, Morena, gomme o nkgaugele!

Nthuše, hle, Morena!”

₁₁Sello sa ka o se fetošitše mogobelo;

o nkapotše diaparo tša go ilela,

wa nkapeša lethabo,

₁₂gore ke go opelele ditumišo ke sa homole.

Morena Modimo wa ka,

ke tla go reta go iša go sa felego.