Kgaugelo ya Modimo, lerato le maatla – Letšatši la 4

Go na le dilo tše ntši tše re di tšeelago fase. Letšatši le mohlagase o timilwego goba meetse a se gona lefelong le o dulago go lona, o lemoga ka fao o tlwaetšego go thumaša mabone le go bulela pompi. Ge e le gabotse, ke selo sa go ikgetha. O bulela pompi gomme go tšwa meetse; o thumaša lebone gomme go ba le seetša goba setofo se a fiša. O lokela karata ya gago ya plastiki ka gare ga ATM – ke mang a sa makalago ge e go fa tšhelete ya pampiri? O bolela le bana ba gago mošamawatle ka Skype goba o namela sefofane gomme, ka diiri tše pedi, o ka fofa magareng ga Cape Town le Johannesburg, le go fofela morago gae bošegong bja lehono. Ke bomang gare ga rena bao ba sa makatšwago ke ditlhamo tše tše botse tša nako ya rena?

Go se makale, ka bomadimabe, gape go direga bophelong bja rena bja moya. Bontši bja rena re na le diBibele tše ntši, gape bontši bja rena re tsena dikereke. Gantši re kwa gore Modimo o a re rata – go fihla boemong bjo a bilego motho ka go romela Morwa wa gagwe, Jesu Kriste, go rena. Eupša ke mang a sa thabilego le go makatšwa ke se?

Ke duma batho go kanegelo ya Krisemose. Ba be ba makatše: “Seo se kgonega bjang?”, ba botšiša. Go nna le wena, kanegelo ya Krisemose e tlwaelegile kudu – bjalo ka go bulela pompi goba go thumaša lebone.

Matswalo a Jesu ka nnete a be a makatša. Ka seo, Modimo o bontšhitše gore o re hlokomela kudu go feta ka mo re lemogago. Le gore o nyaka go re direla tše ntši go ka re fihlelela go feta ka mo re bego re nagana.

Ke ka lebaka leo batho go Lukase 2:18 ba bego ba maketše le go tlabega – gore Modimo a ka dira ka tsela ye. Ba be ba sa nagane gore go tla direga – gore Modimo a ka belega bjalo ka motho gore a kgone go batamela kgauswi le rena.