Kgaugelo ya Modimo, lerato le maatla – Letšatši la 20

Bokriste ga bo, di tloga fase, na melawana e mentši le melao ye re swanetšego go e obamela. Ge e le gabotse, Bokriste bo mabapi le tswalano le Jesu. Ka gona ge o kgetha go phelela Modimo, gape o tla nyaka go theeletša yena le go phetha thato ya gagwe. Potšišo ke gore: O tseba bjang gore Modimo o nyaka eng le se a se amogelago?

Ba bangwe bare: “Ke hlahlwa ke tlwaetšo.” Batswadi ba ka le batswadi ba bona ba dirile seo gomme, ka go realo, le nna ke dira seo. Ba bangwe ba itumelela go hlahlwa ke bontši bja batho: “Mang le mang o dira ka tsela ye, ke ka lebaka la eng ke swanetše go dira ka mo go fapanego?” Bjalo ka Bakriste, re na le sedirišwa se se fapanego go ka re thuša ka dikgetho tša rena bophelong. Se ke Bibele.

Bibele e re thuša go rarolla mathata a rena le go dira dikgetho tše botse. Eupša ka dinako tše dingwe, Bibele ga e hlaloše gabotse dilo tše dingwe, ka gobane e be e se gona ka nako yeo. Ge Bakorinte, go tšwa Bibeleng, ba be ba palela ke go tseba ge eba ba ka ja nama ye e hlabetšwego modimo wa seswantšho goba aowa, keletšo ya Paulose e bile: “… tšohle le di direle go tumiša Modimo” (1 Bakorinte 10:23-33).

Ka gona, ge re sa tsebe gore bjang, Morena ka mehla o tla re fa bohlale ka thapelo. “Ke tla dira gore o kwešiše, ka go bontšha tsela ye o swanetšego go e tšea. Ke tla go eletša, ka go hlokomela,” o realo Morena, go Pesalome 32:8.

Ga go bonolo ka mehla go dira se Morena a nyakago re se dira. Eupša ge re kgethile go phelela Modimo, re nyaka gore re obamele Morena, ka dikgetho tše re di dirago.

Modimo, yo a re ngwaletšego melawana ya bophelo, o tseba se se re loketšego. O re dirile. O tseba gape mohuta wa bophelo bjo bo re loketšego.