Kgaugelo ya Modimo, lerato le maatla – Letšatši la 19

Ge re swanetše go dira dikgetho, go tla ba, ka gona, le mohola ge Modimo a ke re botša gabotse gore re dire eng le gore re se dire eng. Selo sa go swana le lengwalo goba lentšu go tšwa legodimong se ka thuša kudu. Ge e le gabotse, re tla tseba se re swanetšego go se dira le mo re swanetšego re eme gona.

Go boima go dira dikgetho tša maleba. Ke kgethe dithuto dife? Ekaba yo ke monna goba mosadi wa melaba yo ke swanetšego go mo nyala? Moprista, Molefi le Mosamaria ka moka ba lebeletšane le kgetho ya go ka thuša monna yo a bego a le kgauswi le go hwa mmileng. Ke monna o tee fela yo a tšerego sepheto sa go thuša monna yoo. Morago ga gore Modimo a fodiše Naamane, o ile a fa Elisha tšhelete. Elisha a tšea sepheto sa gore o tšea tšhelete goba aowa. A se e tšee. Mosadi wa Potifare o laleditše Josefa go tla go robala le yena gomme a swanela ke go tšea sepheto. A gana.

Letšatši le letšatši re lebeletšana le dikgetho tše mpsha. Ke eng sepheto sa maleba go ka se dira? Karabo ke: Ke kgetho ye e theilwego melaong ya Modimo go rena.

Mathomong, go ba le kgetho ye e tlago pele ga dikgetho ka moka. Ke kgetho ya go ba kgahlanong le Jesu, gobane ka yona dikgetho ka moka tše dingwe di a ema goba go wa. O ka se nyake go phela go ya le ka melao ya Modimo, ge o se wa ka wa dira kgetho ya Modimo. O swanetše, ka gona, sa pele o tšee sepheto sa ge eba o nyaka go phelela Modimo goba aowa. Tšea sepheto sa ge eba o nyaka go latela Jesu goba aowa. Ke ka lebaka la eng o nyaka go latela Jesu ge o sa mo tsebe?

Ge o kgetha go latela Jesu, dikgetho tše dingwe tša bophelo di tla ba bonolo.