Kgaugelo ya Modimo, lerato le maatla – Letšatši la 16

Bibele ke puku ya go ikgetha ye e bilego gona lebaka la go feta mengwaga ye 1 500. Mo e ka bago batho ba 40, go tšwa mehuteng ka moka ya mafase le dinako, ba ngwetše Bibele. Bibele e na le botee bjo bobotse. Go tloga go Genese go ya go Kutollo, go na le tabataba ye e tšwelelago leboelela: Modimo o rata batho gomme o nyaka go ba le tswalano le bona.

Lebaka la gore Bibele e ngwetšwe ke bangwadi ba batho, ga le thulane le bohlatse bja gore Bibele ke Lentšu la Modimo. Modimo o thwetše bangwadi ba Bibele go ngwala Lentšu la gagwe. Ka mantšu a mangwe, bangwadi ba batho ba Bibele ba hlahlilwe ke Moya wo Mokgethwa go ngwala se Modimo a nyakago go re botša sona.

Leka go tšea Bibele gomme o e bale! E tla bolela le wena. O tla kwa Modimo a bolela le wena. Ge o se na maitemogelo a mantši a go bala Bibele, thoma ka diEbangedi tša Markose le Johanese. Gomme o bale Genese. Bala kgaolo letšatši le letšatši. Ge o rapela, o tla hwetša gore se o se balago se bolela le wena. Ka go nanya, o tla utolla gore Bibele ka nnete ke Lentšu la Modimo.

Bala Bibele ka kgopolo ye e bulegilego – se e bale o ka re o šetše o e tseba. Samuele yo monnyane a bolela gabotse a a re: “Bolela Morena, mohlanka wa gago o theeleditše!” Ke nyaka go kwa pele se o se bolelago. Bala Bibele ka tetelo – lebelela pele go se Modimo a ka se bolelago go wena. Eupša, e bale ka boitshwaro bja go obamela. Batho ba ba kwago Lentšu la Modimo ba tla šegofatšwa go se ba se dirago, go ngwala Jakobose.

Bibele ga e a ngwalwa gore e oketše tsebo ya rena (ka nnete, e oketša tsebo), eupša go fetoša maphelo a rena.