Kgaugelo ya Modimo, lerato le maatla – Letšatši la 12

Bibele ga e bolele gabotse ka rena batho. Theeletša se: “Ga go motho yo a lokilego, le o tee; ga go yo a kwešišago, ga go yo a nyakago go tseba thato ya Modimo” (Baroma 3:11-12).

Sebe ke selo se se tseneletšego ka gare go rena; ke karalo ya maphelo a rena. Re utolla neng gore re badiradibe? Ge re itemogela lerato le bokgethwa bja Modimo. Go sokologa ga se selo se se diregago ka tlhago go rena. Ge e le gabotse, ga re nyake go tseba gore re badiradibe. Ke ge fela re tseba Modimo, mo re hlagolelago bokgoni bja sebe.

Yo mongwe o botšišitše ge eba kgodišego le tsebo ya sebe sa gago e ka iša boemong bja go nolega moko? Aowa, ge o utolla sebe le mafokodi a gago, tebogo ya gago e tla ba e kgolo go Modimo ka go ba ngwana wa gagwe.

Ge o itebelela gomme o bona gore o dira dibe, o nyaka gore: “Ga ke a swanela ke lerato la Modimo! Bophelo bja ka, ka ditsela tše ntši, bo fošagetše gomme mabakeng a mantši ke a palela bjalo ka motho. Nkaba motho yo mokaone – go kgonega bjang gore Modimo o sa nkgotlelela? Go kgonega bjang gore o gafile Morwa wa gagwe sefapanong ka lebaka la ka? Modimo ga se yo mogolo le go ba le mogau gore, go sa šetšwe dibe le dikarogo tša ka, o sa ntshwara bjalo ka ngwana wa gagwe?”

Ka go lemoga gore o modiradibe, go go thuša mafelelong go tumiša le go reta Modimo ka mogau wa gagwe. Ge o tseba dibe tša gago, o tla leboga Modimo kudu ka go ba ngwana wa gagwe. Boikwelo bja sebe ga bo iše go nolegeng moko, eupša go e na le moo go lethabo le legolo ka lebaka la lerato la Modimo go wena.