Kgaugelo ya Modimo, lerato le maatla – Letšatši la 11

Yo mongwe o rile Jesu, ka kgopolo e itšego, ga a tla lefaseng la rena go tlo phela, eupša go hwa. Jesu ga a hwa lehu la tlhago – o bolailwe thabeng ye e bitšwago Golgotha, ka ntlenyana ga Jerusalema.

Lehu la gagwe le bakilwe ke tlaišo e šoro ya mmele. Go be go le boima kudu go yena maikutlong le monaganong ka ge bohle ba be ba mo šile. Se sebe kudu ke gore go bile le leswiswi ka ge Tatagwe o a mo tlogetše. O be a le noši – a sa kgone go ikopanya le barutiwa ba gagwe le balatedi, goba legodimo. Tswalano le Tate, yo a boletšego ka Jesu gore, “Yo ke yena Morwa wa ka yo ke mo ratago,” e be e robegile. Jesu gantši o be a bolela gore yena le Tate ke selo se tee. Sefapanong, o be a le tee.

Jesu ka nnete o be a tlogetšwe. Go be go le boima; yo mongwe o bolela gore, sefapanong, Jesu ga se a bitša Tatagwe bjalo ka “Tate”, eupša ka “Modimo wa ka”.

Ke ka lebaka la eng tše ka moka di diregile? Tate wa legodimong o tlogetše Morwa wa gagwe kua Golgotha, ka ge le rena re tlogetše Modimo ka maphelo a rena a sebe. Eupša Modimo o tlogetše morwa wa gagwe, gore mafelelong, re be bana ba gagwe gape. Kua Golgotha, ditema di retolotšwe. Re be re swanetše go fegwa sefapanong, eupša Jesu a dira seo. O tlogetšwe a le tee le go gogelwa leswiswing. Rena, ka letsogong le lengwe, re ile ra tšwewa morago bjalo ka bana ba Modimo. Jesu o patetše kotlo ya dibe gomme rena ra phologa ka ntle le dikgobalo.

Wena le nna re a tseba gore Modimo o na le rena le gore re ka se lewe ke bodutu goba go tlogelwa. Ka Jesu, lemati go ya go Modimo le butšwe. Selo sa go kgahliša kudu? – go tsena ke mahala. Kgaugelo ya nnete!