Ke tla – Letšatši la 16

Bokamorago: Mengwageng e mmalwa ya go feta babadi ba bantši ba abile kanegelo ka emeile ka maemo ao go ona ba tshephago kabelo ya Modimo. Mo ke setsopolwa go tšwa go e tee ya diimeile tše di ntlhohleleditšego, ka ge mmadi a tsebagatša gore Modimo o abela le go neela ka gare ma madimo a a tšutlago maphelong a bona: “Dikgwedi tše lesome tše fetilego, re bile le mathata a ditšhelete. Go be go na le dinako moo ke bego ke ipotšiša gore re tla kgona bjang mo bekeng, eupša Modimo a tsenelela nako le nako gomme a re fa se re bego re se hloka. Dinakong tše ka moka, ga re a robale ka tlala. Lehono ke a tseba gore O kgona go ka abela gomme re ka bea maphelo a rena ka seatleng sa Gagwe ntle le letšhogo! Ga A retwe.”

Ekaba o nyaka go itemogela letsogo la Modimo la kabo bophelong bja gago lehono? Mohlomongwe le wena o na le mathata a ditšhelete, o nyaka ngwana yo e lego wa gago, molekani, mošomo o mokaone goba selo sa mateariale bjalo ka koloi ye e lego ya gago goba ntlo. Goba mohlomongwe ngwana wa gago o nyaka go ya leeto la sekolo, gomme ga o tsebe gore o tla le lefela bjang. Dinyakwa tša gago e ka ba tša maikutlo ka tlhago – bjalo ka go hlologela khomotšo ka ge pelo ya gago e kwešitšwe bohloko go tšwa go tswalano ye e paletšego goba o hlologela go ba le bagwera ba go loka go go tloša bodutu. Modimo o tseba se re se hlokago pele re ka kgopela go Yena. Lega go le bjalo, o nyaka gore re kgopele Yena, ka gobane O kganyoga go ba le tswalano le rena.

Ekaba re swanetše go kgopela Modimo go abela?
Ee. Go Jakobose 4:2b re bala gore: “Ga le hwetše se le se nyakago, ka gobane ga le se kgopele go Modimo.” Gape, go Mateu 7:7-8: “Kgopelang, gomme le tla fiwa; nyakang, gomme le tla hwetša; kokotang, gomme le tla bulelwa. Gobane mang le mang yo a kgopelago o a fiwa, yo a nyakago o a hwetša, le yo a kokotago o tla bulelwa.” Tiro e a nyakega gore o kgone go amogela. Go Pesalome 24:1 re bala gore lefase ke la Morena le tšohle tše di lego go lona. Ke Yena Mothopo wa kabelo ya rena, ka go realo re ka bolela le Yena ka boitshepo.

Re swanetše re dire eng ge re boditše Modimo seo re se hlokago?
Go Bafilipi 4:6-7 re bala gore: “Le se balabale ka selo; sengwe le sengwe se le se nyakago le se kgopele go Modimo ka moya wa thapelo le tebogo. Ke mo Modimo a tlago le phefiša go ja pelo le go tshwenyega le le ba Kriste Jesu, mo e lego gore ga go motho yo a kago kwešiša.” Gomme go Markose 11:24 Jesu o rile: “Ka lebaka leo ke le botša gore tšohle tše le kago di kgopela ka thapelo, le dumele gore ruri le tla di fiwa, gomme le tla di fiwa.” Ge re, morago ga go botša Modimo se re se nyakago, thoma go Mo leboga ka tumelo ya gore katlego e tseleng, seo ke taetšo ya tumelo ya rena go Yena.

Ka dinako tše dingwe, re hwetša se re se rapeletšego. Dinakong tše dingwe re hwetša sa go fapana le se re se rapeletšego – eupša mo nakong re tla tseba gore Modimo o tsebile bokaone. Le ge A kgona go dira tše di fetago kudu tše re kago di kgopela goba ra di nagana (Baefeso 3:20-21), ka dinako tše dingwe o a re šireletša ka go se re fe le semeetseng se re se kgopelago goba go re fa selo se sengwe. Ke ge fela re lebelela morago moo re ka go lemoga boloki bja Gagwe.

Ka gona a re thomeng go leboga Modimo lehono ka se a lego kgauswi le go se dira. Modimo a go šegofatše.