Bible Society of South Africa
Dithulaganyo tša go bala
Ke monna
Ke monna – Letšatši 4

Ke monna – Letšatši 4

O NA LE MAIKUTLO

Go ba monna ga go re gore ga a na maikutlo. Maikutlo a gagwe ke karolo yeo e sa kgaoganego le bonna bja gagwe. O itemogela mathabo a bophelo ka mo go tseneletšego. Ka dinako tše dingwe o itemogela maikutlo ao a sa lokago bjalo ka go nyama, go nyema moko goba go inyatša.

Gomme o humana: Ke monna!

(Di)temana ya Bibele

NEHEMIA 8

9Ge batho ba ekwa melao e balwa ba ile ba lla. Ka gona Nehemia, yo e bego e le mmušiši, le Esra, moprista le serutegi sa melao, gotee le Balefi bao ba bego ba hlatholla melao ba botša setšhaba ka moka ba re: “Lehono ke letšatši le lekgethwa la Morena Modimo wa lena; ka gona le se ke la ilela goba la lla.

NEHEMIA 8:9NSO00Bula go Mmadi wa Bibele

LUKASE 1

68“A go retwe Morena Modimo wa Israele,

gobane o tlilo phološa setšhaba sa gagwe a se lokolla.

69O re file Mophološi yo maatla,

setlogolo sa Dafida, mohlanka wa gagwe.

70O re tshepišitše go tloga kgale ka baprofeta ba gagwe ba bakgethwa

71gore o tla re phološa manabeng a rena,

le diatleng tša bohle ba ba re hloilego.

72A re o tla gaugela borakgolokhukhu ba rena,

a gopola kgwerano yela ya gagwe ye kgethwa.

73-74“O enetše rakgolokhukhu wa rena, Abrahama,

gore o tla re hlakodiša manabeng a rena,

a re kgontšha go mo hlankela re sa boife,

75re mo kgothaletše,

re mo hlompha bophelong bjohle bja rena.

LUKASE 1:68-75NSO00Bula go Mmadi wa Bibele

MATEU 26

74Ke moka Petrose a thoma go rogana le go ikana a re: “Monna yola ga ke mo tsebe!”

Mokoko wa napa wa lla. 75Ya ba Petrose o elelwa sela Jesu a mmoditšego sona mola a re: “Pele ga ge mokoko o lla, o tla be o ntatotše gararo.” A napa a tšwela ka ntle a lla gabohloko.

MATEU 26:74-75NSO00Bula go Mmadi wa Bibele

2 SAMUELE 9

6Ge Mefiboshete, morwa wa Jonathane, yena setlogolo sa Saulo, a fihla, o ile a obama, a itahlela fase ka sefahlego. Dafida a re go yena: “Mefiboshete!” Yena a araba a re: “Ke nna yo, mohlanka wa gago.”

7Dafida a re go yena: “O se ke wa boifa. Ke tla ba yo botho go wena ka lebaka la Jonathane, tatago. Ke tla go bušetša naga ka moka ye e bego e le ya rakgolwago, Saulo, gomme ka mehla re tla jela mogopong o tee.”

8Mefiboshete a obama gape a re: “Nna, mohlanka wa gago, ke lefeelafeela, ke no ba mpša ye e hwilego! Ke go reng o le yo botho go nna ka mokgwa wo?”

2 SAMUELE 9:6-8NSO00Bula go Mmadi wa Bibele

Pesalome 139

13Ditho tša ka tšohle di hlodilwe ke wena;

ke wena o di kgomagantšego ka popelong ya mma.

14Ke go reta ka ge o mpopile ka mo go makatšago gape go tlabago;

ditiro tša gago di a makatša.

Seo ke se ke se tsebago gabotse.

15Mola ke bopša ka sephiring,

mola ditho tša ka di kgomaganywa ka hloko ka popelong ya mma,

ga go na le le tee la marapo a ka le o bego o sa le bone.

16O mpone le pele ke belegwa.

Matšatši ohle a ka a go phela a be a šetše a ngwadilwe ka pukung ya gago,

go sešo gwa tšwelela le le tee la ona.

17Aowii, Modimo, tše o di naganago

nna di a mpalela; ga se ka bontši!

Pesalome 139:13-17NSO00Bula go Mmadi wa Bibele

2 SAMUELE 18

32Kgoši a mmotšiša a re: “A lesogana lela, Absalomo, le sa phela gabotse?”

Lekgoba la mo fetola la re: “Kgoši, mong wa ka, ke duma ge nkabe se se mo hlagetšego se ka hlagela manaba a gago ka moka, le bohle bao ba go tsogelago maatla.” 33Kgoši a kwa bohloko kudukudu. A namelela ka phapošing ye e lego ka godimo ga kgoro gomme a lla. Ge a sepela o be a tšama a lla a re: “Joo ngwanaka! Ngwanaka Absalomo! Absalomo, ngwanaka! Nkabe e be nna ke hwago sebakeng sa gago, ngwanaka! Absalomo, ngwanaka!”

2 SAMUELE 19

Joaba o kgala Dafida

1Joaba o ile a botšwa gore Dafida o llela Absalomo, ebile o mo iletše. 2Ka gona lethabo la go fenya la fetogela madira ka moka a Dafida manyami letšatši leo, ka gobane ba be ba kwele gore kgoši o llela morwa wa gagwe. 3Ba ile ba boela motseng ba homotše, ba le bjalo ka bahlabani ba ba lewago ke dihlong ka gore ba tšo tšhaba ntweng. 4Kgoši a ipipa sefahlego gomme a hlaboša lentšu a lla a re: “Joo ngwanaka! Ngwanaka Absalomo! Absalomo, ngwanaka!”

2 SAMUELE 18:32-19:4NSO00Bula go Mmadi wa Bibele

JESAYA 38

Bolwetši bja Kgoši Hiskia le go fola ga gagwe

1Mehleng yeo Kgoši Hiskia a lwala mme a nyako hwa. Moprofeta Jesaya, morwa wa Amotse, a ya go yena a re: “Morena o re: ‘Beakanya tša lapa la gago, ka gobane o ka se fole; o tla hwa.’ ”

2Hiskia a phekgoga a lebelela lebotong gomme a rapela a re: 3“Hle, Morena, gopola gore ke go hlanketše ka potego le botshephegi, le gore ka mehla ke dirile tše o bego o nyaka ke di dira.” Gomme a thoma go lla gabohloko.

4Ke moka Morena a laela Jesaya 5gore a boele go Hiskia a yo mmotša a re: “Nna, Morena, Modimo wa rakgolokhukhu wa gago, Dafida, ke kwele thapelo ya gago mme ke bone meokgo ya gago; ke tla go lesa wa phela mengwaga ye mengwe ye lesome le ye mehlano. 6Ke tla hlakodiša wena le motse wo wa Jerusalema go kgoši ya Asiria. Ke tla šireletša motse wo.”

JESAYA 38:1-6NSO00Bula go Mmadi wa Bibele

1 SAMUELE 30

3Ge Dafida le banna ba gagwe ba fihla, ba ile ba hwetša gore motse o tšhumilwe, le gore basadi ba bona le barwa le barwedi ba thopilwe. 4Dafida le banna ba gagwe ba hlaboša mantšu ba lla mme ba se ke ba homola go fihlela ba sa hlwe ba kgona go lla. 5Le bona basadi ba Dafida ka babedi, Ahinoamo le Abigaile, ba be ba thopilwe.

6Dafida bjale o be a le bothateng bjo bogolo, ka gobane banna ba gagwe ka moka ba be ba huduegile moyeng ge ba lahlegetšwe ke bana ba bona, mme ba šetše ba rera go mo kgatla ka maswika; eupša yena a ithekga ka Morena Modimo wa gagwe.

1 SAMUELE 30:3-6NSO00Bula go Mmadi wa Bibele

  • Lentšu la Modimo le a mo kgoma
  • Pelo ya gagwe e tletše wa go falala ka ditlhorišo
  • O ikwa a itshwabetše kudu
  • Ka dinako tše dingwe o ikwa a nyatšega
  • O ikwa a sa kgone go ka ithuša
  • O itemogela bohloko bja tlaišego
  • O kwa bohloko kudu ka lebaka la dilo tšeo di mo diragalelago

Bible Society of South Africav.4.26.9
RE HWETŠE GO