Bible Society of South Africa
Dithulaganyo tša go bala
Ke monna
Ke monna – Letšatši 3

Ke monna – Letšatši 3

O PHELA KAMANONG LE BOYENA

Letšatši le lengwe le lengwe o lemoga dinyakwa tša gagwe tša nama le tša moya. O a lemoga gore Modimo o a belaela ka ga bonna bja gagwe bjo bo feleletšego.

Gomme o humana: Ke monna!

(Di)temana ya Bibele

GENESE 1

27Ka gona Modimo a hlola batho, a ba dira gore ba swane le yena. A ba dira e le monna le mosadi,

GENESE 1:27NSO00Bula go Mmadi wa Bibele

BAKOLOSE 3

7Pele le be le phela ka ditumo tše dibjalo, di le laola mo bophelong.

8Eupša bjale le swanetše go lahla dilo tše ka moka, e lego pefelo, kgalefo, lehloyo le lesebo. Dipolelo tša dihlong di se tšwe melomong ya lena. 9Le se aketšane, gobane tlhago ya lena ya kgale le e apotše gotee le ditiro tša yona, 10gomme la apara ye mpsha ye Modimo, Mmopi wa yona, a dulago a e mpshafatša gore e swane le yena, gore le tle le mo tsebe ka botlalo.

BAKOLOSE 3:7-10NSO00Bula go Mmadi wa Bibele

1 BAKORINTE 6

18Tšhabang bofebe. Tše dingwe dibe ka moka tše motho a di dirago ga di amane le mmele wa gagwe, eupša yo a febago yena o senyetša mmele wa gagwe. 19Kgane ga le tsebe ge mebele ya lena e le tempele ya Moya wo Mokgethwa wo o phelago mo go lena, wo le o filwego ke Modimo? Gape ga le sa le ba lena beng, 20Modimo o le rekile, gomme bjale le ba gagwe. Ka gona mebele ya lena le e šomišetše go tumiša Modimo.

1 BAKORINTE 6:18-20NSO00Bula go Mmadi wa Bibele

JESAYA 43

Modimo o holofetša go hlakodiša setšhaba sa gagwe

1Lena Baisraele,

Morena yo a le hlodilego,

yo a le bopilego,

lena ditlogolo tša Jakobo, o re:

“Le se ke la boifa –

ke le hlakodišitše.

Ke le biditše ka leina la Israele –

le ba ka.

2Ge le tshela noka ye e išago,

ke tla ba le lena;

matshwenyego a lena a ka se le tšee bjalo ka lefula.

Ge le putla mollo le ka se tlaboge,

3gobane nna ke Morena Modimo wa lena,

Modimo yo mokgethwa wa Israele,

yo a le phološago.

Ke tla loba ka Egepeta gore ke le lokolle;

ke tla gafa Etopia le Seba legatong la lena.

JESAYA 43:1-3NSO00Bula go Mmadi wa Bibele

JEREMIA 1

Go bitšwa ga Jeremia

4Morena o ile a re go nna: 5“Ke tsebile pele ke go bopa gore o tla ba eng, ka go kgethwafatša pele o tswalwa ke mmago, ka go dira moprofeta wa ditšhaba.”

6Nna ka mo fetola ka re: “Aowii, Morena, Mong wa bohle, nna ga ke kgone polelo ka gobane ke sa le yo mofsa.”

7Eupša Morena a re go nna: “O se ke wa re o sa le yo mofsa, gobane o tla ya go batho ka moka bao ke go romago go bona, wa ba botša tšohle tše ke go laelago tšona. 8O se ke wa ba tšhaba, ka gobane ke tla ba le wena gore ke go šireletše. Ke realo, nna, Morena!”

JEREMIA 1:4-8NSO00Bula go Mmadi wa Bibele

1 BAKORINTE 9

24Ga ke re le a tseba gore ba ba šianago mokatong ba kitima ka moka, eupša sefoka se tšewe ke o tee? Le lena bophelong bja lena bja sedumedi katanang le etše mokati yo a gakalago, gomme le tla thopa sefoka. 25Mang le mang yo a itlwaetšago go šiana o itima tše dintši, a gabile go tlo thopa sefoka se se senyegago; kganthe rena re itima tše dintši re gabile go tlo thopa sefoka se se sa senyegego. 26Ka lebaka leo, nna ga ke kitime wa go tlaruma; ga ke lwe wa go kgeila phefo ka matswele. 27Ke laola mmele wa ka ka o tlwaetša, gore ke se re ke rutile ba bangwe bophelo bja sedumedi, nna mong ka tla ka hwetšwa ke ronwa ke bophelo bjoo.

1 BAKORINTE 9:24-27NSO00Bula go Mmadi wa Bibele

  • O lemoga gore o bopilwe ka seswantšho sa Modimo
  • O a kalokana go laetša seswantšho sa Modimo go ya le ka moo a phelago ka gona
  • O hlokomela mmele wa gagwe
  • O a tseba gore ke yo a kgethegilego go Modimo
  • O a tseba gore Modimo o na le morero wo o ikgethilego ka yena
  • O na le bonnete ka ga morero wa gagwe

Bible Society of South Africav.4.26.9
RE HWETŠE GO