Ke mang Monna yo? – letšatši la 17

Banna ba bane ba rwetše monna wa go repha ditho. Ba tseleng ya go yo bona Jesu. Ba se le kgojana, ba bona gore go yo ba boima go fihla go Yena, eupša ba se nolege moko. Ba namela hlakeng ya ntlo gomme ba phula lešoba go yona. Jesu a kgahlwa ke maikemišetšo a bona le tshepo ya bona go Yena. A arabela ka mo go makatšago. “Ngwanaka, o lebaletšwe dibe tša gago.” Monna wa go repha ditho o be a sa dutše fao. Ga go se se diregago. A ka rata go sepela.

Boemo bjo e ka ba kgonthe dinakong tša rena. Jesu, ke kgopela o nthuše. Ke a lwala goba ke sa lwa le batswadi ba ka goba dilo mošomong di hlakahlakane. Jesu o fetola ka gore, “Ka kgonthe nka rata go go thuša. Ke tla lebalela dibe tša gago.” Jesu ga a tla fela go fodiša batho ka malwetši a bona a mmele goba monagano. O tlile go go phološa go bothata bja gago bjo bogolo ka gare go wena – sebe.

Go direga bjang gore batho ba lwale? Ke ka lebaka la eng re omana gomme ka dinako tše dingwe re hloyana? Tše ka moka di tšweletše ge motho a kgetha kgahlanong le Modimo … ge dikamano tše di neago bophelo le Modimo di kgaolwa, bophelo bjo bobotse bjo Modimo a bo hlodilego, bja nyamela.

Jesu ga se sehlare sa kgara seo go sona motho a kago hwetša kalafo ya ka pejana ge dilo di sa sepele gabotse. Ga se  911, senthara ye go leletšwago go yona ge go e na le seemo sa tšhoganetšo. Eupša lega go le bjalo, O nyaka go ba gona go rena letšatši le letšatši. Tswalano magareng gag ago le Modimo ke karolo ya mošomo wa Gagwe. Maikemišetšo a gagwe bophelong gas e go ba ngaka ya mehlolo. O dira mehlelo go re ruta go botšiša potšišo ya gore: Ke mang Monna yo? Ka dinako tše dingwe O fodiša ka gobane go loketše tswalano ya motho le Modimo., ka dinako tše dingwe ga A dire ka gobane go ka ba go sa go lokela.