Ke mang Monna yo? – letšatši la 16

Dipego tša ka fao Jesu a bego a khethegile, di tšwetšwe pele di sa kgaotša. A fepa batho ba go feta 5 000 ka dihlapi tše pedi le dinkgwa tše hlano. Go ka ba go tšere mopaki matšatši go ka paka dinkgwa tše ntši. A dira bjalo ka dinkgwa tše šupa, morago.

A sepela godimo ga meetse eka maatlakgogedi a be a se gona. Mathomong, barutiwa ba be ba nagana gore ke sepoko. A homotša ledimo le legolo; ka taelo ya gagwe, lewatle la homola. Batho b aka no se dumele go Yena, eupša tlhago e obamela Jesu.

Jesu a namela pokolo ye e sa ruwago – ye e sa kago ya namelwa pele, a tsena Jesrusalema. Ka taelo ya Jesu, mohlape wa dikolobe tše 2 000 tše di nago le bademone wa thetheoga leribeng wa wela ka lewatleng. Ke mang Monna yo dilo ka moka le batho ka moka, lefaseng ka moka, ba theeletšago Yena? Mohlomongwe, ga go na karolo ya lefase moo A se nago maatla go yona.

Jesu a re go Andrease le Simone, “Ntateleng, gomme ke tla le dira barei ba batho.” Ke akanya gore barei ba dihlapi ba ile ba lebelelana. O a re kgonthišetša …? Se ke bophelo bja rena ka moka. Re beeleditše diketekete. Gomme, Jakobose le Johanese, barwa ba Sebediose, ba tlogela tatago bona, kgwebo. Sekepe le bašomedi ka ntle le tikatiko gomme ba latela Jesu. Lefi, molekgetho wa bomenetša, a tlogela mošomo wa gagwe ntle le go lebelela morago gomme a latela Jesu. Mohlomongwe, go be go se na yo a kago mo gana. Naa Jesu o be a hlagiša boikwelo bjo bjang? Ke eng se se bego se kgodiša ka Yena? Mahlo a Gagwe? Go a makatša gore barei bao ba dihlapi ba latetše motho yo ba sa mo tsebego. Ke mang Monna yo?

Tlholo ga se ya gana maatla a Jesu. Go bonala eke ke fela batho ba manganga bao ba dirago seo. Ke rena fela bao ba kago dumela goba go gana. Seo se re dira go ba ba moswananoši gape re hlaselega gabonolo.