Jesu, Mesia wa rena – Letšatši la 11

Moo ponong yeo ya bošego ke ile ka bona se nkego ke motho. O be a etla a pipeditšwe ke maru, gomme a ya go yola Mophelelasaruri a tsebišwa yena. Daniele 7:13

Daniele e be e le moprofeta wa go tuma yo a bego a na le dipono le bokgoni bja go hlatholla ditoro. Daniele o belwege ka ngwakgolo wa bo-6 BC, gomme la pele a rutwa ka mošate go ba mongwaledi.

Tlhathollo ya gagwe ya toro ye e bego e tshwenya Nebukadnesare kudu e mo dirile gore a tume. Kgoši o kgahlegile kudu a nama a bea Daniele maemong a godimo, a mo fa le dimpho tše dintši tše dikgolo (Daniele 2:48).

Daniele o hlanketše dokgoši tše ntši bophelong bja gagwe eupša potego ya gagwe ya pele ka mehla e be e le Modimo Ramaatlaohle.

Pono ya seprofeto, yeo e lego temana ya rena lehono, e boletše e sa le pele ka go boa la bobedi ga Morwa wa Motho.

Morena wa rena, gape, o boletše ka letšatši le legolo la letago. Nakong ya Krisemose ye, ge re keteka go tla ga gagwe la pele, re tla dira gabotse go ela hloko se Morena wa rena a se boletšego ka go boa gagwe la bobedi. E tla ba letšatši le lefase le ka se kgonego go le hlokomologa; go tla ba leswiswi le lesoleso, go se be le letšatši le dinaledi tša magodimo di tla šišinyega.

“Go tla bonagala se sengwenyana legodimong sa go šupa gore Morwamotho o etla, gomme ditšhaba tšohle tša lefase di tla lla ge di mmona a etla ka maru a legodimo, a na le maatla a magolo le letago le legolo. Phalafala ye kgolo e tla letšwa, gomme Morwamotho o tla roma barongwa ba gagwe ka mathokong ka mane a lefase go yo kgobokanya ba a ba kgethilego, ba tlišwa ba etšwa gohle lefaseng.” (Mateu 24:30-31)

Haleluya! Jesu o tla boa gape, bjalo ka ge barongwa ba profetile mengwaga ye 2 000 (Ditiro 1:11). Ke bokamoso bja letago bjo bo letetšego bao ba kgethilwego ke Modimo.