Gopola maatla a gagwe – Letšatši la 8

Mo ke lentšu ka nako ya maleba go rena ka moka. Go na le, ka gare go tlhago ya rena ye e welego, setlwaedi sa motheo go bongwame, lentšu goba tiro. Gantši re hwetša go le boima go thaba ge ba bangwe ba atlega gomme, ka dinako tše dingwe, re thaba kudu ge ba bangwe ba palela. Gape re na le go sola, go e na le go aga, le go nagana gampe ka batho go e na le go nagana ka lerato.

Seema se se hlagiša pono ye e fapanego. Go badumedi, go loka ga Modimo le toka di swanetše go ba gona bophelong, le go se timane le kwelebohloko.

Ka gona, ge motho a dirile gabotse gomme a swanelwa ke lentšu la tlhohleletšo, ke ka lebaka la eng o sa mmotše lona? Ga re lahlegelwe ke selo gomme ga re tsebe seo “moputso” wo o kago se tšweletša gape maphelong a bona. Dikanegelo tše ntši di ka botšwa ka lesogana goba kgarebe ye e dirago sephetho se bohlokwa nakong ya ge ba hlaselegago gabonolo maphelong a bona, bjalo ka peolo ya lentšu ka nako ya maleba go tšwa go mogwera, gomme maphelo a bona a fetoga go ba tšhegofatša go ba bangwe ba bantši. Go feta moo, ka didirišwa tša theknolotši tše di lego gona go rena lehono, go bonolo go bolela selo se sebotse, o tutuetša le go kgothatša motho yo a lekago ga boima go dira selo sa maleba, eupša ga bjale o ikwa a nolegile moko.

Go bjalo, gape, le ka thušo ya materiale. Ka dinyakwa tše ntši tše di re dikologilego, ga go bonolo go tseba gore re di fe mang le ka fao re swanetšego go dira ka gona. Le ge go le bjalo, se ga se bothata go seema se. Go e na le moo, ke go rata ga rena go ka thuša. Gantši, re leka go efoga go neela ka tšhelete goba dithoto – kudukudu ka go kgopela kudu ga batho le baikaketši ba re nago le bona ditšhabeng tša rena. Le ge go le bjalo, gona le, gantši, dinyakwa tša kgonthe tše di tlišwago go rena moo re kago thuša, go sa šetšwe gore re thuša ka tše nnyane. Bibele e re, ge e le gabotse, “nea bjale” – e se gosasa.

Ke bile le mogwera wa go bega ebangedi yo a laleditšwego lefelong la bodiidi go yo bega ebangedi. Le ge go le bjalo, o be a se na tšhelete ya go lefela sekepe go ya fao. Ka lebaka la seo, o paletše ke go ya fao. O rapetše gomme a letela, eupša gwa se direge selo. Letšatši le le latelago, o amogetše lengwalo go tšwa go mothekgi le na le tšhelete ye a bego a e hloka ka gare go lona. Mothekgi o rile, “Ke be ke nyaka go go romela lona maabane. Ke kwele ke hlohleletšega go dira seo, eupša ka šitišwa. Ke holofela gore o tla diriša mpho ye go bega ebangedi.” Ke selo se sebotse gore o neetše, eupša o diegile, monyetla o mmotse wa go bega ebangedi o fetile.

Bapetša mantšu go Diema 3:27-28 le Jakobose 2:14-17. A re ikemišetšeng go bontšha botho, tlhohleletšo le go neela ka seatla se se bulegilego ge maemo a rena a dumela, gore re kgone go ekiša Tate wa rena legodimong.