Gopola maatla a gagwe – Letšatši la 2

Ga go na tlhoko e kgolo pelong le letswalong la motho go feta go kwa gore dibe tša rena di lebaletšwe. Ba bantši ba rena ba phela maphelo a pšhatlagantšwego le ditoro tše di robegilego, ka lebaka la diphošo tša nakong e fetilego, diphošo go kahlolo, go akgofela go bolela, ditiro tše mpe, le ditiro tša kgobošo.

Ditsholo le dipoifo ka dinako tše dingwe di tshwenya letswalo le gaešita le la batho ba bakaonekaone. Morago ga lehu la gagwe ka Lewedi 1997, makasine wa TIME o gatešitše kanegolo ya letlakala la ka ntle ka Mme Theresa e bitšwago Mother Teresa’s Crisis of Faith. Athekeleng ye, ye e ngwetšwego mengwaga ye lesome morago ga lehu la gagwe le go tsopola poledišano ya gagwe, ba bontšhitše ka fao motho o bjalo yo a hlomphegago kudu a bego a tletše ka dipelaelo ka tswalano ya gagwe le Modimo. Se se bontšhitše fela gore e be e le motho gomme bontši bja rena re ka kwešiša mathata a gagwe.

Ke ga botse go kwa mantšu a Morena le Mophološi wa rena Jesu Kriste, “… o lebaletšwe dibe tša gago!” Go kanegelo go Markose, monna yo a bego a babja o be a sa tlišwa go Jesu gore a lebalelwe dibe. O be a rephile ditho gomme bagwera ba gagwe ba phutše lešoba hlakeng, gomme ba mo fološetša pele ga Jesu gore a mo fodiše. Le ge go le bjalo, Mophološo o na le bohlale go feta banna ba bohlale kudu gomme a kwešiša tlhoko e kgolo go monna yo go e na le go mo fodiša, tlhoko yeo ka nnete e be e le e kgolo. O be a nyaka gore dibe tša gagwe di lebalelwe. Se ke segopotšo se segolo go rena gore, ka dinako tše dingwe, dika tša ka ntle tše re itemogelago tšona gantši di šira tlhoko e kgolo. Gantši, ge batho ba na le mathata, go fa mohlala, ka kgateletšego ya monagano goba bothata bjo bongwe, ke ka gobane bothata bjo bo fenyago ga se bothata bjo bogolo. Gantši go na le tlhoko ye e utamilego. Tebalelo e a nyakega go sebe se itšego goba bofokodi bjo kgale bo bego bo utilwe.

Selo se rena re swanetšego go se lemoga ke gore mmetli go tšwa Naseretha ga a na fela temogo ya go tseba se ka rena, eupša gape o na le maatla le taolo go lebalela dibe, ka lebaka la yo a lego yena le se a tlilego go re direla sona.

Mohlomongwe, letswalo la gago le a go tshwenya ge o bala se. O ka ya go Jesu, o tseba ka boitshepo bjo bo feletšego gore o amogela bohle bao ba tlago go yena gomme o na le taolo ye e feletšego ya go lebalela dibe tša rena ka moka, go ya go ile.