Gopola maatla a gagwe – Letšatši la 19

Ge e ba o a itšhidolla, o a tseba gore go bohlokwa go maatlafatša digoba tša gago tše bohlokwa (mohl. mokokotlo, lehlakoro, dinoka, bj.bj.).

Go ya ka Sekolo sa tša Kalafo sa Harvard, go itšhudolla go na le mehola ye mentši ya go fapafapana go mmele wa gago, go tša maphelo le go pheleng gabotse.

Ke nagana gore seo ke nnete go rena Bakriste. Ka mehla re hloka go boela morago go dinnete tša motheo tša moya, gore re be le maatla, re be le kgonthišetšo le go gola semoyeng. Ka gona, Paulose o eletša bagwera ba gagwe kua Korinte gore ba itebeledišiše. Re swanetše go dira ka mo go swango, eupša re itebeledišiša bjang?

Ka moka re a tseba gore go ra go reng go itebeledišiša mahlakoreng a mangwe a bophelo. Go ja gabotse ke mohlala o mokaone. Gantši re thoma ka mafolofolo a magolo, gomme ra thoma go se botege gannyane gomme, ra se botege kudu. Mafelelong re lahla go ja gabotse ga rena, eupša ga se gore re be re sa tsebe se re se dirago.

Go no ba bjalo ka maphelo a rena a semoya. Ka mehla re swanetše go iteledišiša le go hlaloba maphelo a rena a ka gare. Re tseba gabotse ge re thoma go se botege semoyeng. Re swanetše go ipotšiša dipotšišo tše itšego. Naa re sa dumela go se re itšego re dumela go sona ge re e ba Bakriste? Naa re sa na le dihlong ka Kriste? Naa re sa phekgeletše boikgafo bja rena go yena? Naa re sa botega go yena le ge re e ba le mathata?

Paulose o re, “Itekoleng.” Ge Kriste a le go wena, o kgona go ba Mokriste le go dira selo sa maleba le ge ka dinako tše dingwe go le boima. Naa motheo wa gago wa Bokriste o tiile?

Go tla re thuša kudu ge re ka ba le lenaneo la Bibele kgafetšakgafetša, gammogo le nako ya go naganišiša go se re se balago. Re swanetše go ya kerekeng kgafetšakgafetša, le badumedi ba bangwe, go yo tumiša Modimo.

Tše le dilo tše dingwe tše ntši, tše o kago nagana ka tšona, di ka re thuša go itebeledišiša le boikgafo bja rena go Kriste. Ka tsela ye, re netefatša gore motheo wa rena wa semoya o dula o tiile.