Segwera – Letšatši la 9

Sakiose o be a humile le dinala, a na le maatla gomme batho ka moka ba be ba tseba gore ke mang, eupša mohlomongwe o be a se na bagwera ba bantši. O be a le molekgetho yo mogolo, seo se hlaloša gore o be a kgoboketša tšhelete ya mmušo wa Roma gomme tšhelete efe goba efe yeo a radiago batho go feta ye e bego e swanetše e be e le ya gagwe. O šaparegišitše batho, a dira gore ba palelwe ke go lefa ditšhelete tša kadimo le go tšea dithoto tša bona. Go be go sa makatše ge go se na yo a bego a mo rata.

Ka go nagana ka se, akanya ka go ngongorega lešabeng ge Jesu a italetša phatlalatša gore o yo hlwa ka ga gagwe. Go ja dijo le batho go be go na le bohlokwa bjo swanago dinakong tša Sakiose le tša bjale – ke tiro ya go bontšha segwera.

Go be go sa kgonege gore Sakiose o be a swana ka dilo tše ntši le batho bao ba tlago ntlong ya gagwe, ka letšatši leo a kopanego le Jesu. Ba be ba na le mešomo ya go fapana, ba etšwa maemong a go fapana setšhabeng, bokamorago bja go fapana, eupša lerato la bona go Jesu, le tumo ya bona ya go ba le yena le go ithuta go yena di ba kopantše. Se ke se Jesu a se direlago badiradibe. O re bitša ka leina; o re laletša go segwera. Ga a kgathale ge e ba setšhaba se a go amogela gomme ga a dire seo gore yena a bogege kaone, le rena re swanetše go dira bjalo ka ge Jesu a dira.

Go ntira gore ke ipotšiše, ke mang yo ke mo tshedišitšego mahlo yo Modimo a ratago gore e be mogwera wa ka. Mosadi yo gantši ke se nago taba le yena ofising? Monna yo a bolelago ka segalo goba yo a sa bolelego leleme la ka? Badiidi, bao ba lewago ke bodutu, bao ba fapengo le nna? A re lebeleleng godimo go tšwa go maemo a rena a mabotse gomme re lebelele ka ntle go lefase leo le hlokago mogwera bjalo ka Jesu … goba bjalo ka wena le nna.