Segwera – Letšatši la 5

Se ke se batho ba bantši ba se gopolago kudu ka Paulose le Barnabase – ngangišano ye e fedišitšego segwera magareng ga banna ba bagolo ba babedi ba Kriste. Se se direga bjang!

Batho ba bantši ba nagana gore Bakriste ga ba befelwe. Paulose le Barnabase ba re gopotša gore thulano e ba gona gaešita le go batho ba bakaonekaone. E ba e mpe ge batho ba sa e laole gabotse. Ekaba gore ge re befetšwe, re lebala go kgopela Modimo thušo?

Ge re bala go ya pele, re bala gore Barnabase le Paulose ba arogane, se bohlokwa kudu, “mme phuthego ya ba gafela Morena gore e be yo botho go bona.” (Ditiro 15:40)

Go molaleng gore go bile le poledišano le thapelo magareng ga badumedi. Se ke ka fao diphapano tša rena di swanetšego go rarollwa ka gona – ka lerato le thapelo, le ka thekgo le thapelo ya setšhaba sa badumedi, e se ka sephiring goba ka go hlokomologa boemo. Selo se bohlokwa ke go tsepelela go dira thato ya Modimo. Seo ke se Paulose le Barnabase bobedi ba se dirilego. Ka lebaka leo, mohlomongwe mošomo o montši o diretšwe Morena, ka lebaka la mokgwa wo phapano ya bona e rarollotšwego ka gona. Go segwera se sengwe le se sengwe, diphapano di ba gona, o ka se di thibele gomme Bakriste ga ba phaelwe ka thoko go se. Se bohlokwa ke ka fao re di rarollago ka gona.