Segwera – Letšatši la 20

Re boletše ka ditswalano tše mmalwa tša Moapostola Paulose dibekeng tše mmalwa tša go feta. Go be go na le Barnabase, yoo a sa dumelelanago le yena, eupša a tšwela pele le go mo hlompha le go mo rata go sa šetšwe seo. Go be go na le Prisila le Akhwila, balekani ba go boifa Modimo bao ba šommego le yena, bobedi go direng ditente le go begeng ebangedi go ralala le lefase. Gomme, go ba gona, go na le Timotheose.

Paulose ka boyena o rutile Timotheose go bodiredi. Re bala gore ba be ba na le dikgopolo tše di swanago, diphetolelo tše dingwe di šomiša sekafoko ‘ba kwana’. Go be go se na motho yo Paulose a mo tshephago kudu go ka mo romela phuthegong kua Filipi. Paulose o be a sa tshwenyege gore Timotheose a ka bolela se sengwe seo se ganetšago se a ba rutilego. O be a sa belaele kgore Timotheose a ka nyatša maiteko a gagwe legatong la badumedi ba Bafilipi. Timotheose o be a na le dikgopolo tše di swanago le tša Paulose. Lerato la gagwe go Kriste le be le swana le la Paulose gomme ba be ba tla ba ka matsogong a kaone ka tlase ga tlhokomelo ya Timotheose.

Timotheose e bile yo mongwe wa bašomi-gotee yo bohlokwa kudu wa Paulose. Megwaga e mentši bagwera ba ba babedi e be e le monwana le lenala gomme bodiredi bja bona bo holegile kudu ka kwano ya bona. Timotheose e be e le moromiwa wa go botega gomme mangwalo a tshela a Paulose a bolela ka yena bjalo ka moromedi-mmogo. Ge Modimo a tliša ditswalano tša semoya mmogo, ka dinako ka moka o na le se segolo kgopolong go feta go holega go bagwera ba gago.