Segwera – Letšatši la 18

Nebukadnesare o bone motho wa bone ka moubelong; re a gopotšwa gore Modimo e be e le mogwera wa wa bagwera tiragalong ye ka moka. Modimo o a ba phološa moubelong. Le ge go le bjalo, go na le mo gontši. Banna ba bararo ga ba na fela ditlamo tša segwera, eupša gape boikgafo bja kgwerano. Ke batho ba Modimo, ba phela ditswalanong tše kgolo tša tshepo le Modimo le bona beng. Boikgafo bja bona go potego le go segwera bo ba nea maatla go lwantšha dikgatelelo tše kgolo tša go nyaka go swana le ba bangwe, e se fela go ya le mogofe.

Ba bantši ba rena na le mahlatse kudu go ba le bagwera ba Bakriste go ka ya go bona ge re hloka thekgo, keletšo le tlhohleletšo. Le ge re se na mahlatse, goba mohlomongwe re dula kgole, re na le mogwera wa go feta bagwera ka moka – Jesu Kriste. Re ka rapela go yena nako e nngwe le e nngwe ge re nyaka, 24/7, gomme re ka mo tseba bokaone ka go bala Bibele. Go na le ba bangwe, le ge go le bjalo, bao ba se nago mahlatse. Go na le batho ba diketekete ka dikgolegong tša Afrika Borwa bao ba ikwago o ka re ba kgakgetšwe ka gare ga moubelo wo o laumago mollo, ga go mo ba ka retologelago gona. Mokgatlo wa Bibele o na le protšeke, Bibles for Prisoners, yeo e neelago ka diBibele mahala go batho bao ba palelago ke go reka Bibele. Lehono, mohlomongwe o ka nagana ka go bontšha segwera ka go neela go protšeke ye. Thekgo ya gago e ka thuša yo mongwe go amogela Lentšu la Modimo, gomme ka go dira seo, wa hwetša mogwera mollong.