Etlang go nna – Letšatši la 3

Nakong ya Kgoši Ahase, mmušo wa Dafida o be o le kgale o tšwile maphakga a mabedi. Israele, mmušo wa ke leboa, ka setlwaedi o be o fapoga ditseleng tša Morena. Juda, mmušo wa ka borwa, o be a gatela pele le morago ka tlase ga pušo ya dikgoši tše di botegago le tše di sa botegego. Ahase e be e le yo mongwe wa dikgoši tše di sa botegego.

Mo, go Jesaya 7, Ahase o lebeletšane le tlhakatlhakano e kgolo ya bophelo bja gagwe. Jerusalema e kotsing ya go phuhlama. Mmušo wa gagwe, ka ntle le go bolela ka bophelo bja gagwe, o kotsing ya go ka fedišwa. Modimo o romela moprofeta wa gagwe Jesaya go yo bolela le Ahase tseleng ye e bapetšego le tšhemo ya mahlatswi wa mašela ka ntlenyana ga motse, gore a mo nee kholofetšo. O mmotše gore a thekge ditho le gore a se nolege moko ka lebaka la dikgoši tše di lekago go šwahlela Juda. Ka Jesaya, Modimo o botša Ahase gore matshwenyego a gagwe ga a na motheo, gore dikgoši tše di emeletšanego le yena di tla wa kgauswinyane.

Le ge go le bjalo, Ahase o be a tsebja ka go bota Modimo, gomme a tshepha Modimo go se. O be a sa kgone go lebelela go feta maemo a bjale le go tshepha gore selo le ge e le sefe se Modimo a bego a se dira nakong e tlago, se be se tla ba e le se lekanego go rarolla tlhaktlhakano ya bjale. Modimo ge e le gabotse o laletša Ahase gore a kgopelo sešupo. Ahase o gana taletšo. Modimo o mo nea sešupo, kholofetšo ya bokamoso: “Kgarebe e imile gomme e tla belega morwa ya mo thea leina la Imanuele” (Jesaya 7:14). Modimo o be a leka go botša Ahase gore o na le yena, eupša Ahase a palela ke go bona seo.

Naa o be belaela ka eng kudu? Naa wena, bjalo ka Ahase, o belaetša ke selo se se ka diregago nakong e tlago? Gopola kholofetšo ya Modimo, o na le wena ka mehla!